وصل لأبي وعرض عليه محادثتنا فأجبرني على الزواج منه!

مساء الخير انا من سنه تعرفت على شخص مكانش صادق معي بالمعلومات عنه مثلا حكالي انه متعلم وهو في الاصل بحملش ولا شهاده وانا متعلمه ومعي دراسات عليا وكل ما احكيله شغله عنه بفكرني كذابه متله وانا هاي اول مره بحياتي بحب حدا واكسر قواعدي ومبادئي وارضا ادخل بإشي غلط ومش مقبول ولم تقتصر علاقتنا إلا على الكتابه ولم نتبادل صور ولا كلام مش مقبول ولا هدايا وانا مثقفه وبحب اقرأ كتب وهو بس همه ينام وياكل ولما اعترفلي انه مش دارس وما بحب يقرا ولا يبالي بإهتماماتي وانه بلش صح بتسلاي وهلا صار يحبني واول مره يتعرف ع بنت محافظه وغيرته ومش راح يسمحلي اني اروح ومن هالحكي ... وحكالي احكي لأهلي انه بده يتقدملي بس بعد مايشوفني رحت وشفته المره اليتيمه فقط لمدة ساعه وكان كل الحديث ثقافي بحت وتعارف ادق على بعض وبعدين ما بعرف شو صار يمكن ما عجبه شكلي ومن هاد الحكي وبلش يغيب والوحده مننا بتحس ع كل شيء فأرتايت اني اتركه لانه كنت ببعثله بالايام والاسابيع ما برد علي وتغير كثير مع اني غفرتله كل كذباته واهلي متعلمين وكنت مستعده اعمل اي شيء حتى اقنع اهلي يوافقوا عليه مع انه هو يلي تركني المهم وبعد تسع شهور انا تبت لله وحرمت اعمل شيء يضر بعقلي وقلبي ويزعل الله مني من ونحن تاركين دخلت إلا هو وامه عنا وبده يتقدملي انا رفضت لاكثر من مره واهلي رفضوا ... وبعد فتره راح لعند بابا ع الشغل ومفرجيه المسجات يلي بينا ما استعملهم كتهديد وانما استجرار عطف ، ما اضطر بابا انه يوافق وحكالي لازم تتحملي غلطك وبكفي انه بحبك وانت بتحبيه ( كنت ) واذا رفضت بالمحكمه ماراح يحكي معي لاخر يوم ، وافقت ومعملتش حفله ولا شريت ذهب ولا بلبس ذبله لاني بكره ومش طايقته وحتى ما بحكي معه ولا بشوفه ... وحاولت اكثر من مره عشان افسخ الخطوبه ودخلت العالم المقربين لبابا ولكن بابا برد اتحملي نتيجة غلطك ... طيب انا شو بعرفني انه بكذب علي وشو ذنبي ابتلي ببني آدم مافي بيناتنا اي نقطة مشتركه ...الله بيغفر ليش ما بنغفر نحن والله اني ندمانه بس مش راح اقدر اتحمل نتيجة هاد الغلط وبفكر جديا بالإنتحار قسما بالله لانه الحياة مع هيك بني آدم كذاب وإنتهازي جهنم .