تعبت من سؤال الجميع متى ستحملين!!

انا بنت في العشرينات قدر الله علي وتزوجت وانا صغيره بسبب المشاكل العائليه كنت ابغى اخرج منها باي وسيله مع اني اعلى من زوجي في كثير من الاشياء كنت استحق الافضل ، المهم تزوجته وحببت نفسي فيه غصب بسبب خوفي ارجع لعيشتي قبل وعشت معه ومع الزمن حبيته صدق لاني كنت دايم احاول اقنع نفسي اني احبه مالي غيره ومن هالكلام . انا طموحي عالي وحلمي كبير ومجتهده جدا وبما اني احب زوجي وهو يبغى اطفال من بداية الزواج و ماكتب ربي لي الحين سنتين ونص رحت للمستشفى وراح طلعنا سليمين ولله الحمد لكن كمان ماصار حمل فاتجهت لطبيبه شعبيه وحسيت ان اوضاعي تحسنت بعد المرخ لكن برضو ماصار حمل . زبدة الموضوع واللي ابغاكم تفهمونه اني اهلكت نفسي بالتفكير والبكاء والهم اهلكت عمري تعبت هو يحبني بس مايستاهل كل ذا مني لاسباب شخصيه وهو اصلا مايدري بكل اللي امر فيه لاني اسوي نفسي عادي قدامه كل يوم الناس يجرحوني وهو كمان من غير مايحس بسؤالهم متى تحملين ؟؟ انا كل أملي اعيش حياه فيها حريه عشان احقق امالي وطموحاتي او اني أسس عائله جميله وش اسوي كل ماقلت بمشي فهذا الطريق يردني شي اروح لطبيبه شعبيه ثانيه ؟؟ لان احس الرحم لازال مايل ولا اعيش وانسى وانتظر وش بيصير ؟ بس بتعب كذا حلوها