هل من الممكن أن أحب خطيبي بعد الزواج؟

على حسب كل شخص عزيزتي صراحة مريت بتجربة مشابهة ما تقبلت الشاب ابدا وكنت ابكي دايما وانفر منو مع انو بحسب ما يقال انو هو شاب ما بينرد دارس ومتعلم وخلوق ووو ومواصفات كتيرة واهلي كانوا بحبوه كتير وكل مرة ارفض يرجعوا يرجعوني وحاول وما اقدر وهو متمسك فيني لأقصى درجة وبحبني بس ما تقبلت حتى شكله يعني هو مش بشع ولكن ما تقبلت ابدا ولا حتى شخصيتو ابدا هو جامد جدا وما بيعرف يتعامل مع الناس ما عندو تجارب شخصية بحاله بذاته حديثه ممل كله عن دراسته وتفوقه وكان دايما يخبرني انو هو فرصة وممكن اذا رفضت اندم عليها .. وصدقا حتى معاملة اهله ما اتفقت معهم .. وبالآخر قررت بكل حزم وصدق وخرجت من العلاقة بدون تجريح للشاب وسكرت كل الأبواب كرمال ما يتأمل انو يرجعصراحة هيدا زواج وصعب جدا في شي اسمه قبول وارتياح نفسي اذا كان معدوم مستحيل تكملي لأن ناس كتير فكروا انو بكرة بعد الزواج بتتصلح الأمور وللأسف بيتطلقوا بسبب انعدام القبول ... فنصيحة اذا أخدتي فترة تفكير كافية وبعدك مش متقبلة فتركي لأن مش رح تتقبلي بعدين وتذكري هيدا الشاب رح يبقى قدامك مدى حياتك كيف رح تعيشي معو اذا مافي قبول؟؟؟ موفقة واعملي استخارة وما تزعلي مافي شي اسمو فرصة ضايعة المهم تعرفي حالك شو بدك