بنظر أختي هي الصح دائماً والجميع على خطأ

اختي الكبيره من يوم و احنا صغار دايما عندها انها صح و اي شخص قدامها غلط. احيانا يكون غلطها واضح بس ما تعترف، بالعكس تطلع من موضوع غلطها و تقوم تتكلم مع اللي قدامها و كانه هو الغلطان و تحاسبه على اشياء مالها علاقه. ولا تكتفي بهالشي. لا تروح و تكلم باقي خواني و احيانا انا عن غلط الشخص اللي يعتبر شي خاص فيه او يكون رد فعل على تصرف غلط هي سوته له. و تطلعه كأنه سيء. و كل فترة تتكلم عن واحد فينا انه هو السيء قدّام الباقين بالذات قدّام اخواني الصغار لما ينفرون منه و تطلعه ما يسوى قدامهم. لدرجة الصغار مره يعيدون كلامها قدامي ان اخوي كذاب و انه ما يداوم ولا عنده عمل!! وهو انا اشوفه وهو رايح الدوام و يصور لي هناك لكن صار ما يشاركها كل شي عشان ما تنقّد. اتساءل كيف خلتها نفسها تجرىء الصغار يتكلمون عن أكبر منهم كذا؟!! و لما اقول اصغر منه يعني فرق ١١ او ١٢ سنه بينهم مو شوي. و كل هذا من باب انها تطلع صح و بس. و من باب انها مجرد تنتقد او تفضفض. و اذا الشخص المقابل انتقد تصرفاتها او فضفض انها غلطانه بحقه زعلت و قالت عنه يتمسكن و حاس انه ضحية. ولا كأنها هي اللي ضايقته و اضطرته يتكلم. انصدمت ان كل مكان تروح له تسوي هالموال الله يهديها و يهدينا.