خائف من أن تخونني خطيبتي بسبب؟

انا مش عارف ابدا ازاى بس مشكلتى انى انسان شكاك مش فكل الناس يعنى ليا اصدقاء يثق فيهم ثقه عمياء وبعض من اهلى انا مغترب فى بلد عربى والحمد لله ربنا كرمنى وخطبت من سنه ونص تقريبا المشكله ان خطيبتى ضيعت الثقه بكذبها عليها فى مواقف كتير علشان بتخاف من زعلى فبقيت بشك احيانا فى بعض تصرفاتها مع ان لما يقول ان اسيبها علشان مفيش ثقه بتحاول تنتحر وعملت كده 3 مرات فعلا مره منهم قدامى وراحت المستشفى علشان هى بتحبنى وانا كمان بحبها بس مكملبن وبنكلم بعض اتصال كل يوم من 4 ل 5 ساعات واحيانا اكتر ميعاد فرحنا جاى فى شهر أكتوبر وعامل حسابى ان انزل اتجوز واخدها معايا اما انا استقيل وانزل بلدى بس دلوقت قدامى فرصه انزل فى شهر مارس نتجوز واقعد معاها شهرين وبعد ما تخلص دراستها فى شهر مايو ابعتلها على شهر أكتوبر لما قولت الفكرة هى كانت فرحانه واتعلقت ودايما بتقول انها محتجانى من كزا ناحيه حتى لو هنزل زيارة 15 يوم بس تشوفني من غير جواز انا اخر مره شفنا بعض كانت فى أكتوبر 2017 بس انا خايف انزل ونتجوز واسيبها بسبب الخوف من الخيانه وكل ما اقرر انزل تجيلى تخيلات كتير بكده ولما الواحد بيسمع كتير عن مواضيع الخيانه المنتشرة وانا كمان علشان عارف انها مش بتدرك أفعالها احيانا علشان سنها صغير سامحوني للاطاله