كلام جدتي أثر على العلاقة القوية بيني وبين أخي

انا واخويا كنا مرتبطين ببعض جدا لدرجة ممكن كان يسيب اوضه ويجى ينام جمبى او العكس مكناش مجرد اخوات كنا حاجة كده فوق الوصف كنا فسح وسفر وخروجات سوا مكنش زى معظم الولاد الى تسيب اخواتهم وتسهر مع صحابها كنا عارفين نتفاهم مع بعض حتى فى خناقنا كان بيحضنى وتنتهي الخناقه على كده علاقتى انا واخويا القويه سببها ماما وبابا انهم عرفوا يقوا علاقتنا من واحنا اطفال انا اكبر من اخويا ب 4 سنين انا حاليا فى الجامعه واخويا فى الثانوى كان حصل بنا خلاف بسيط من 7 شهور وهو كان مسافر لجدتى زيارة جدتى تبقى ام والدتى هى مكنش عاجبها علاقتى انا واخويا نهائى وتفضل تقول لماما انتى مفكره نفسك كده بتخلى ابنك راجل لما يبقى بيسمع كلام اخته فى كل حاجة واستغلت غضب اخويا منى وخلته بقى عدواني من ناحيتى جدا لما رجع من الزيارة بعد ما فضل عندها كام شهر فى الفترة دى انا كنت مسافرة بره مصر مع بابا هو كان مسافر شغل بصفته رجل اعمال وانا كنت مسافرة فسح والدتى واخويا كانوا سافروا لجدتى فى القرية ولما اخويا رجع البيت مكنش راضى يتكلم معايا ويحكيلى عمل اى فى فترة الزيارة واتعصب عليا حاولت افهم مالوا لغاية ما سمعته بيكلم تاتا وبيحكلها انه معتش صغير وانه مش هيفضل طفل ويسمع كلامى مع ان انا عمرى ما اجبرته على حاجة بالعكس كان النقاش اساس اى موضوع بنا انا بجد مدمرة من غيره انا ربنا معوضنيش باخت بنت ويمكن عندى صحاب كتير وبيحبونى بس معنديش الصاحبه الى تبقى اخت ليا بس هو مكنش محسسنى بالفقد داه حاولت كتير اصالحه واعتذرت وكل ما يبدأ يلين وجدتى تعرف تكلمه وتقسيه عليا جدتى بتحبنى وكل حاجة بس هى شايفه ان داه صح وهى دلوقتى بتحاول تخلى اخويا يحب بنت خالى هى اصغر منه ب ٣ سنين هى تقريبا بتعمل كده عشان انا معارضه ان اخويا يرتبط ببنت خالى اولا عشان هما صغيرين وعشان اسباب تانيه كتير لا داعى لذكرها جدتى فى مرة واحنا عندها كنا بنتكلم عادى وانا بقول لخالى ان انا بفكر اغير حاجة فى البيت احنا عايشين فى فيلا كبيرة وبكلم مع خالى لقيتها بتقول والله ما انتى عامله حاجة ومتبوظيش البيت عشان لما بنت خالك تتجوز وتيجى تعيش مع عمتها هى الى هتغير الى هى عايزاه انتى كلها كام سنه وهتتجوزى وهتيجى البيت داه زيارات اما بنت خالك هيبقى بيتها وهى حرة فيه كنت مصدومه من الى هيا بتقولوا عشان كانت بتتكلم جدا وبعصبيه وخالى مكنش عاجبه كلامها وموقف تانى انا شخصيتى بحب السفر فكنت بكلم مرات خالى وبقلها ان فيه دوله بفكر اسافرها الايام دى بس مستنيه اعرف بابا لقيتها بتقولى كفاية بقى تصرفى وتخلصى الفلوس حرام عليكى بتظلمى اخوكى لما تخلصيله فلوسه هى تقصد ان فلوس بابا دى تبقى ملك لاخويا اخويا ببدايق جدا من كلام جدتى هى بتوصلنى انى ممكن اعيط انا عايزة حل اروجوكم