عندما نخرج لوحدنا يظنوا أننا خرجنا من أجل الرجال

مشكلتي هي نظرت شباب للفتاة ؟! السلام عليكم ،، انا فتاه عمري 28 سنه وعندي خوات تتفاوت أعمارنا من عشرين سنه الى 36 سنه ،، عندي اخوان كلهم كبار ومتزوجين وكلن شايف حياته ،، مشكله انه حنا اذا طلعنا حديقه الي قريبه من بيت يلحقونا رجال هندي ومرات يمني ومرات سعودي رغم اننا متحجبات حجاب إسلامي عبايه على راس وقفاز ونقاب ابو غطا صغير ،، فلما نوصل حديقه علشان حنا حريم يرقمونا فا امي تشك فينا وحده تلو الاخرى تفتش جوالاتنا !!! حنا مانعرفهم وجئنا حديقه نغير جو مو نرقم البنت الي تبي ترقيم بتجيكم وتسوي حركات قدامكم ليش الكل من رجال يعتبر الي يطلعون لحالهم يبون هذا شيء ؟ ابوي عايش لا كن مايبغانا متزوج ثانيه ويقول طلباتكم كثيره رغم اننا مانطلبه شيء حسبنا الله ونعم الوكيل .. عطوني حل ؟ لا حد يقول تزوجوا خواتي 3 كبار يوم جاهم عرسان مرضوا خواتي وتبعوا وجلسنا خمس سنوات ما احد سال عنا كانه فخ وطاحوا فيه خواتي .. العرسان صار فيه فسخ خطبه وسب انه حنا من عطيناهم عين وحنا والله ما فكرنا ذا شيء ولا حتى ربعه ، بس الله فوق شايف وعارف ،، الرجال ليش نظرتهم بالبنت كذا ! اذا طلعت تدور تحرش تدور كذا وكذا ! يكفي ماشين على رجولنا وعفوشنا معنا وكذالك ابوي رفض ان كلنا نفذ قرار الملك سلمان وهو قياده سياره ! على الأقل نبيها لضروره اذا نطلع مشوار او نقضي اغراض او نبي مستشفى .. حسو بما فينا من الم ومعناه ..