أبي سبب مرض أمي ومرض أخوتي

والله في آباء كثير مايستحقوا كلمة أب.. أبي دمرني تعبت منه ومن مشاكلة حتى صرت أفضل اجلس بالغربة عن أجي للبلد بسببه فقط اضحي عشان الغالية أمي الله يحفظها أبوي ظالم لأمي اولا حرمها من كل شي.مع العلم امي يتيمة ولا تملك لا اخوة ولا اخوات فقط لها اقارب ومن بعيد حيث انه استغلها وسلب كل اموالها من املاك ولا يعطيها النفقة واخذ راتبها ولا ينفق حتى على اولاده امي تبيع الذهب مالها عشان نعيش. يميز بينا وبين الذكور فهو بالأحرى يكرهنا ولا يعتبرنا بناته ولو متنا ما بينهز شي بقلبه.يمنع اخواتي يختارن زوجهن مع العلم انه الي يتقدموا لهن اخلاق ودين وحشمة وماشاء الله ماعليهم كلام واذا حد طلع عن رأيه يقول اتبرأ منك مع العلم انا واخواتي متدين والحمد لله واخواتي يعتمدن على الاستخارة ف الزواج وحتى لو صلت استخارة وطلعت حلوة ما يوافق .. ما اعتقد في اب يحرض اولاده الذكر على الاناث الا هو تخيلوا اخواني الد اعدائنا الحين حتى رواتب اخواتي يريدوا يتصرفوا فيهن.. يعتبر نفسه فقط هو الذي هداه الله والباقين ملنا طغاه.يسب ويشتم ويغتاب والقهر انه يروح الحج ولا بباله كل هذي المظالم.. مافي اب عدل يتهم زوجته وبناته ..هو يتهمنا اوقات بالسرقة عشان يجمع اموال كثيرة ويروح للمحاكم يتهمني بالفساد والرذيلة وانا الحمد لله ملتزمة.. صبرنا لكن الحين تكون شعور في قلبي تجاه حقد غير طبيعي جدا اصبحت اكرهه كما لم اكره احد في حياتي..صرت اسلم عليه وانا اعتصر الما من داخلي.. لكن حسبي الله ونعم الوكيل فيه الله يرجع حق امي الي سليه منها تسبب بمرضها ومرض اخواتي الغاليات ابتلينا ب امراض مدبسبب التفكير..