ماذا أفعل لكي أحسن العلاقة بين بناتي (2)

انا الام الذى ارسلت مشكله ماذا افعل لكى احسن علاقه بناتى.طبعا كان فيه دور كبير لزوجى فى حل الخلاف ولكن جميهم فشلت انا ابنائى كان لهم مطلق الحريه فى اشياء كثيره تخصهم كان يوجد بينا ثقه كبيره وكانوا اذا ارادوا الذهاب الى اى مكان كنا نوافق و كانت ايمان دائما معهم وكان ايضا ابنى الكبير معهم ولكن بعد تلك المشكله زوجى طلب من بناتى السفر الى احد الاماكن الساحليه فى الصيف وذهبنا كعائله حتى عندما حجز زوجى غرفه مشتركه لهم رفضت ملك وطلبت من زوجى ان يلغى الحجز اما انها ستعود الى القاهر اليوم ولسوء حالة ابنتى عدل زوجى الحجز فذلك الوقت كان مر اربع شهور على الحادث حتى المناسبات العائليه كانت اسماء وملك يحضروا ولكن ملك كانت تتجاهل اسماء هل تعلموا ان اسماء وملك عمرهم ما كانوا اخوات كلمه اخوات كلمه ملهاش معنى بالنسبه لعلاقتهم كانوا كل حكياتهم لبعض واسرارهم وكلامهم وهزارهم. لما كانت واحده منهم تخرج تروح اى مكان كانت التانيه تفضل تتصل عليها لغاية ما تروح ويسهروا للفجر سوا لما اسماء كانت معجبه بخطيبها محكتليش انا اول واحده راحت وحكت لملك وبعدين عرفونى انا وباباهم بالموضوع لما ايمان عرفت زعلت من اسماء عشان ايمان قريبه من اولادى جدا بالاخص اسماء.كنت اوقات كتير بحس بغيره من ايمان لملك عشان اسماء قريبه من ملك اكتر وكنت لو جيت احذر اولادى كانوا بيزعلوا منى وبيفضلوا يقولوا انتى الى بتقولى كده يا ماما دى ايمان اختنا كانت ايمان ممكن لو عايزة تروح مشوار كانت بتكلم اسماء وتقولها تعالى معايا وكانت اسماء بتاخد معاها ملك ايمان كانت تدايق جدا اما خطيب اسماء هو حاول يعمل كل حاجة حتى انه قال لينا لو كان خطوبتى انا واسماء هى السبب فى الوضوع داه لو انتوا عايزين تنهوها ليكوا الحق عشان انا سبب المشكله بس ارجوكوا ادونى فرصه تانيه وحاول يصالحهم بس ملك بترفض انا تعبت منهم وملك واسماء كانوا بيناموا فى اوضه واحده مع ان كل واحده منهم ليها اوضه مستقله بس بعد الحادثه ملك رجعت على اوضتها المستقله مفيش شخص يعرفنا محاولش يحل المشكله بس للاسف مفيش امل انها تتحل اسماء بتيجى كل يوم وتعيط فى حضنى قبل ما تنام وتقولى هو انا وحشه اوى كده يا ماما هو انا ازاى قلت كده لملك.ملك على الرغم من انها الصغيره بس لو حد كان زعل اسماء كانت بتروح وتتخانق كانها هى الكبيره وتجيب حقها هى كانت بتحب الضحك والهزار ولو حد كان شخط فيها كانت تفضل تعيط اما بعد المشكله بقت باردة ومعظم الوقت ساكته حتى صحابها بعدت عنهم والى لسه منهم جمبها مبقتش ترد على اتصالتهم ولو واحده منهم جات البيت بتقول قوللهم نايمه اما اسماء كانت هاديه وصعب انها تعيط ادام حد من بعد المشكله بقت تعيط كل يوم ليا ولزوجى وحتى بتتصل باخوها تكلمه واعتذرت لخطيبها ابنى الكبير حاول يحلها بس مفيش فايدة بنتى اسماء فى مره رجعت منهارة من برة بسبب انها شافت ملك فى الجامعه وملك مشيت من جمبها واله اكنها تعرفها بنتى ملك قطعت علاقتها باختى وايمان اما اسماء لسه بتكلم اختى وقطعت علاقتها بايمان الى فهمته من اسماء ان ايمان كانت بتفضل تحكى ان هى شافت ملك بتكلم خطيبها ولما شفتها كانت بتتوتر وصدفها بعدها بكام يوم كانت ملك بتكلم واحده صحبتها فى موضوع يخص صاحبتها وبعدت وهى بتتكلم وايمان استغلت كده وفضلت تلعب فى دماغ اسماء انا اسماء شخصيتها ضعيفه جدا اسماء دلوقتى بتقول انها هتاجل الفرح على امل ان ملك تصالحها انا وزوجى اغنياء وزوحى منصبه كبيره فى الدوله يعنى الدكتور النفسى مش هيبقى فيه مشكله ماديه ادامنا اننا نوديهم ليه انا كنت قلت لاسماء لو ودناكى انتى واختك لدكتور وداه الامل الوحيد عشان تتحل المشكله اسماء وافقت وقالت ياريت اما ملك قالتلى انا معنديش مشكله ان اروح لدكتور نفسى بس مش هروح لسبب زى داه