أختي خسرت حياتها ودراستها بسبب حبها الكبير للرجال

ماذا يجب ان نفعل معها ؟ اختي الصغري تعاني و الاسرة كلها تعاني بسببها .بدا الامر عندما كانت في المرحله الاعداديه واكتشفنا صدفه جواب حب كانت تنوي ارساله لفتي في مدرستها كانت صدمه كبيرة اعلمنا امي بالامر نهرتها و عوقبت بالحرمان من الخروج للفسحه كانت تخرج للمدرسه فقط ولنها بكت واعتذرت بعد فترة وسامحتها امي وعادت الامور لطبيعتها ولكن جميعا لم نخبر ابي يالموضوع المشكله ان اختي مش بتصاحب غير بنات اخلاقيتهم زفت ( تلاقيهم لبسهم ملفت ..متدلعين ..وبنكتشف مع الوقت انهم بيكلمواولاد .و هكذا ) امي كانت دايما تحاول تفهمها انهم بنات مش كويسه تدافع وتقول لاء دول اخلاقهم كويسه دول مؤدبين تمر الايام وتبدا اختي تتعرف ع الفيس بوك و نكتشف انها بتكلم نفس الولد تاني و ضايفه ولاد تانين بس بتكلمهم كانهم صحاب مش بتحبهم يعني زي الولد ده البيت اتقلب و هيا اتضربت و اتعاقبت بالمنع من اللاب و من الخروج وبرده قولنالها مش هنقول لبابا لانه لو عرف اما انه يموت م الصدمه او يموتها هيا م الضرب بعد فترة اعتذرت و ماما قالت خلاص اخر مرة هاثق فيكي جت الثانويه العامه اللي بتحدد مستقبلها و نتفاجا اخر السنه ان اختي سقطت في مادة وبقيت المواد درجاتها زي الزفت الزفت خالص دعمناها جدا دعم معنوي كبير عشان تتخطي عار السقوط اول واحدة تسقط ف العيله والمهم نجحت بالعافيه و دخلت كليه نكتشف في بدايه الكليه انها عامله فيس مخفي و بتكلم المرة دي مش واحد لاء اتنين ماما ضربتها و نفس العقاب و استنتجنا انه ممكن تكون ف الثانويه مش كانت بتذاكر لاء كانت بتسهر تكلم الولاد بس مش عرفنا نثبتها المهم كل مرة ع فكرة ماما بتكلمها و بتضربها و تعاقبها بالحبس لفترة و كل مرة ع فكرة كنا بنكامها باللين والحسني انها فرد م العيله وبنحبها و خايفين عليها وانه حرام و كلام كله بالحسني والرفق بالاضافه طبعا للضرب اللي بتاخده ساعه اكتشاف الموضوع بالاضافه للحبس ده كل اللي كنا بنقدر عليه لكنها كل مرة الموضوع بيسوء بعدها بشهر اكتشفنا صدفه انها عامله فيس و بتكلم ولد معاها ف الجامعه راحت ماما معرفه بابا لانها قالت انا لازم اعرفه لانها كده بتخرج عن السيطرة و ممكن تعمل حاجه غلط بابا مش ضربها لكنه كلمها بالعقل والحكمه كلام انها كبيرة وانها مسلمه وان كل تصرف ليه عواقب كلام كله جميل كلام انها واحدة مننا و انها غاليه عندنا و كالعادة بكت واسفه وخلاص و نزلت الجامعه و خلاص مفيش عقاب و بعدها بفترة نكتشف انها تاني بتكلم ولاد بابا و ماما قرروا انه خلاص مفيش نزول للبيت نهائي غير معانا بمعني مفيش مرواح للجامعه غير تروح ع الامتحان ماما تستناها برة اللجنه تخلص الامتحان ماما تروحا وبس و مش تخرج من عتبه البيت الا و معاها حد مننا .دلوقت هيا تفضل تقول اسفه نقولها ماشي مسامحين بس بردة مفيش طلوع غير مع حد مننا و مفيش تليفون طبعا معاها بدات كنوع من الضغط علينا تفضل تعيط و تقول زهقت ماما تكون رايحه مشوار تقولها البسي و تعالي معايا تقول لاء انا اكون خارجه اقولها تعالي بردة لاء دلوقت بتتعامل ببجاحه معانا كلنا و بتتكلم باسلوب مش مؤدب ( طول عمرها بترد باسلوب مش مؤدب بس زودتها بصراحه الفترة دي ) .نتصرف ازاي مع البني ادمه دي .هتضيع سمعتها و سمعه الاسرة معاها و مش عارفين نعمل معاها ايه و قبل ما تقولوا جوزوها محدش بيتقدم ليها لانه هيا لسنه تانيه جامعه و ليها اختين اكبر منها الوسطي اتخطبت والكبري لسه فمحدش بجد بيتقدم ليها كله بيتقدم للكبري واحنا نفسنا اصلا حد كويس يتقدم ليها بس زي ما شرحت الناس بتتقدم حاليا للكبري