ذكرياتي في طفولتي معه جعلتني...

انا عاوزة احكى حاجه عمرى ما قلتها لحد بس مضطرة دلوقتى انا اتقدملى واحد من ولاد خالتى وهو انسان محترم جدا زى ما هما بيقولوا وللصراحه هو حاليا محترم لكن اللى انا شفته منه وانا طفله كان غير كده كان دايما بيحاول يقرب منى غصب عنى وانا كنت اصده ومش مرة ده كتيير لحد ما تولد عنى شعور بالكره تجاهه وكنت كله ما اشوفه فى مكلن اغير طريقى انا نفسيتى جدا مدمرة منه ولحد دلوقتى انا متحمله كل ده وساكته وما رضيتش اقول لحد المشكله انو اتغير فعلا واهلى بيقنعونى بيه لكن انا مش مقتنعه ودايما احساسى بيقولى لو هو بيحبنى مكنش اتصرف معايا كده وكان احترم حتى ان بنت خالته هو متخرج من الازهر والمشكله انو اتغير ١٨٠درجه مش ده الشخص بتاع زمان وفى احساس بيقولى انو عايز يتجوزنى بس عشان يرضى ضميره مش اكتر وهو اكتر من مرة يقول لامى انا بحبها ولو وافقت هتبقى كل حاجه فى حياتى وهحافظ عليها انا فى صراع رهيب مش عارفه اصدق انو اتغير ولا اصدق اللى انا شفته منه وانا طفله