هذا ما فعله أخي بي بعد أن كنت له يد العون..!

انا متطوعة بفريق تطوعي بالنت بيساعد الايتام ، ابن اخي مريض محتاج عملية مستعجلة و قلي أخي ما معي مصاري ،، فـ حكيت مع الفريق و بعمري ما طلبت من حدا شي و شرحت له وضع ابن اخي فـ عطوني ٦ آلاف ريال ، و لقينا دكتور منشان نعمل العملية و رفض والده بحجة انه ما ارتاح للدكتور ،،،، و صرنا انا و عم الطفل نبحث على دكتور يعمل العملية .... خلال هالفترة كنت قول لزوجة اخي : المصاري امانة عندك لانه المبلغ كبير و ما عندي مكان حطه فيه و هيي كانت تقلي المصاري بأمان لا تقلقي ، بعد بفترة قالتلي زوجة اخي إنه اخي دفع أجار البيت من المصاري و اخوكي ما معه يدفع .... عصبّت وقتها و امي و ابي ما حكوا معه شي !! المفروض نعمل العملية بأسرع وقت و اذا ما عملناها لازم نرجع المصاري للفريق لأنه مال للأيتام .. تزاعلت مع اخي و زوجته و قلي رح أرميكي بالشارع انتي و امك و ابوكي و باخود بيت صغير لزوجتي و أطفالي و ما رح بعطيكي شيً لأنه ما معي ، علماً بإني عطيته كل ذهبي لما احتاج مصاري قبل العملية بسنة و ما رجعلّي ياهن ..... لهيك تركت بيت اهلي و رحت استقريت ببيت اخي التاني و صرلي ثلاث شهور على هالحال و بكتشف من أقاربي انه اخي معه مصاري و عم يشتري بيت بسوريا !! ساعدوني شو اعمل لأنو الموضوع فيه سمعتي و اذا حكيت لمدير الفريق ممكن ما يتفهمني و انا كتير نشيطة بالشغل و معروفة