حظي سيء جداً مع الرجال، فما الحل؟

انا مشكلتي مع الرجال حظي سئ جدا جدا وسوف أحكي لكم تجاربي الاولي: وانا صغيرة بالسن حبيت شخص حب كبير وللاسف سابني واتجوز غيري ،عانيت كتير بسببة واتعذبت وبعد سنين فكرت اتجوز الثاني: اتجوزتة جواز صلونات وكانت جوازة مهببة كان مقرف وغبي واستغلالي ومكملتش معاة سنة ومخلفتش منة وأطلقت ،جاتلي حالة نفسية وكنت بتعالج والحمدلله شفيت الثالث :دة شاب قريبي لم يسبق له الزواج،قالي انه بيحبني وعايز يرتبط بيا وطلبني من اهلي،فرحت وقلت هو دة اللي حيسعدني ،وقالي قدامي سنة ونتجوز ،ومن ساعتها واديني بقالي خمس سنوات والحكاية مملة ،كل شوية يسيب الشغل وطبعا انا بكبر في السن ونفستي بتتدمر ،وهو بيتدلع ومش بيتحمل المسؤولية،وبقي قاسي جدا وقليل الادب وبيبهدلني انا خايفة ارجع امرض نفسيا تاني وخصوصاً اني رجعت افكر في الانتحار. أعمل إيه في مشكلتي؟؟؟؟؟