أمي سبب مشاكلي مع أخواتي، فما الحل؟

السلام عليكم.. باختصار امي هي سبب مشاكلي مع اخواتي احنا اخوات واخوان متزوجين فيه بينا بعض الغيرة والشحناء فكل منا له شخصيته وفينا عناد برضه المشكلة لما نزعل من بعض كل واحد فينا يفضفض لأمي بس الفرق انو لما اخواني أو اخواتي يزعلو مني تقف بصفهم وتتعمد أهمالي وإحباطي وتستهزأ بي وحظي السي وتدعي على وتقول اني شر ولما انا ازعل من مواقفهم معي واشتكيلها تقولي انا بظلمهم وتقاطعني ولاتزورني المواقف دي حصلت كتير وكل مرة بتقف بصفهم رغم أنهم بيتصرفو تصرفات سيئة معي مستحيل تاخد منهم موقف لا دي تزعل مني عشانهم وصارت حتا ما تديني فرصة اتكلم أو اشكي اعترف اني بعد هذه المواقف صرت عصبية وعصبيتي لاني بكتم جوايا ومحدش بيسمع ني وباجي ف موقف وبنفجر وكأنهم مستنيين اللحظة دي عشان يغلطوني.. انا عندي كذا مشكلة ف حياتي أولها اني قليلة الحظ والتانية اني مش قوية التأثير ف البشر وتلتها اني بقيت عصبية ومش عارفة اخد لاحق ولا باطل معاهم وهما عكسي محظوظين ف حياتهم وشخصيات قوية مؤثرين لدرجة اني بسمع كذبهم وتهويلهم للموقف بوداني ومع ذلك الناس بتصدقهم وكأنهم أنبياء مابيغلطوش بجد وكل ما اروح لحد اشتكى الاقيهم حاكيين على بلاوي كذب ومع ذلك الناس بتصدقهم وتكذبني وكمان بطلو يسمعولي وامي صارت تعمل زيهم لما ازداد عدائي ناحيتهم بحجة أنهم وقفو جنبي كتير في أزمات مادية مريت بيها.. لكن بنفس الوقت انا قبل مايقفو جنبي وقفت جنبهم كتير في تربية أولادهم وكنت حاضنة ليهم لعدم وجودهم جنب ولادهم لا ويتهمون اني جاحدة طيب وهما كمان جاحدين.. مش عارفة اعمل ايه بجد تعبت كل العالم إلى بنعرفم مش بيكلموني لأنهم مبتسكتوش علا طول كلام على وسوء ظن وتهويل لموقفي وكان مش من حقي ازعل منهم لما يزعلوني وعايزين يحطوني ف إطار الشخصية الضعيفة إلى مالهاش رأي ودورها بس انها تبقا تابعة ليهم.. شورو على بالله عليكم ايه الطريقة المناسبة معاهم خصوصا أن أمي منحازة ليهم جامد ومبتشوفش الا الي عايزة تشوفه