خطيبي غير متحمس للزواج ويقول لي بأني أخنقه
من مجهول
تاريخ النشر: 04-06-2018 18 إجابات
السلام عليكم ورحمه الله ' انا عندي مشكله ومهمومه بالحيل ' زوجي تغير علي بالحيل لدرجه صاير يطنشني بالحيل ويتعذر بعذر غير مقبول ' حسيت انه مل مني ' وكثرت جلساته مع اصدقائه بالساعات' وان بغى يكلمني احيانا يكلمني عشر دقائق يعني مافي فرصه اسولف معاه واحيانا يطنشني بالايام ' اول ايام الملكه كان يجري وراي ويتصل كثير ويقول كلام حلو ' حتى يناديني بحياتي وياقلبي ' الكلام الحلو ماعاد يقوله ' وهالفتره حاسه بجفاف عاطفي ' والادهى والامر اذا قلت له مشتاقه لك ابي اكلمك يقولي مالك حق تحاسبيني اذا ماكلمتك ' حتى ماصار يشاركني حياته ابدا على ان المفروض الحياه الزوجيه مشاركه ' يقول انتي تخنقيني ' والله يشهد علي بحياتي ماسألته مع من رايح او وين كنت ليش تأخرت يعني تاركته على راحته ' وبحياتي ما ازعجته لا بأتصال ولا برسائل ' كنت مخطوبه له ثلاث سنين والحين هو زوجي شرعا يعني لي سنه وشويه وانا اكلمه ،بس باقي يتحدد الزواج مره قالي الزواج بالتاريخ الفلاني ' وكنت مبسوطه ' والحين حطمني من بعد ماكنت متحمسه للزواج يقول مدري متى ' ويعصب علي اذا شافني متضايقه عشان تحديد موعد الزواج بعذري لانه اعطاني امل وبعدها حطمني وش تفهمون تصرفه معي !!!! اعطوني حل ' لا تقولون خلي ابوك يكلمه لان ابوي مو ناوي يكلمه ابدا ' ينتظرهم هم يحددون ' وانا اشوفه مو متحمس ابدا للزواج ' معننا قبل كنا زي العسل
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا ابنتي احيانا يمر الخطيب بمرحلة وكانه يندم على الاقدام على هذه الخطوة لما فيها من مسؤولية والتزامات وخاصة ان كان له اصحاب عزابية ويجتمعون معا ولا عندهم هم ولا فكر بالزواج، واعتقد ان هذا ما حدث معه بقوله تخنقينني وهذا وانت لم تتزوجي بعد وانتما مخطوبان فعلا لان الزواج اشهار، لذا ارى ان تتركيه قليلا ولا تتواصلي معه ودعيه يتواصل معك هو ويبادر، وان شعرت انه عاد ومشتاق وامره طيب يكون فعلا يريد مساحة من الحرية، وان لم يتواصل وغاب وبقي مصمم على موقفه، عليك ان تقولي له ان هذه ليست حياة وانه من الصعب ان تعيشي معه هكذا ، صدقيني ان لم ياتي اليك ويشتاق لك ويسال بك الان في الخطوبة سيبقيك هكذا الله اعلم عدد السنين وانت تضيعين من عمرك، لذا كوني حازمة في امره ولكن بعد اعطاءه وقته ومساحته ليقرر ما يريد. وفقك الله وطمنينا عنك
من مجهول شوفي يا اختي هذي العينات ينفع معاها تعاملينه نفس الرتم طنش طنشي ماعليك منه هو الان يستخدم معاك مشهد التسيد بالامور والعالم الي معاه مفهمينه لاتبتسم لزوجتك والله توديك بداعيه وهو مسكين مسوي نفس الي قالو له (( الحل قدامك حلين يا تطنشي الادمي واذا كلم ردي واسألي عنه واذا قالك ليه ماتسألين قولي أنت الرجال وانت المفروض الي تسأل __ أو تكلمي أحد اخوانك ويجلس يتفاهم مع الادمي هل له نيه يكمل الزواج والا بنات الرجال مو لعبه 3 سنوات (( مشاكل ماديه نفسيه اجتماعيه بطيخيه مالنا علاقة لو تبغانا نقدر مشاكلك كان حسستني بقدري عندك ورديت على اتصالاتي ورسائلي وعدم تذمرك الحين لازم اخوك يهرج معاه او عمك او خالك ((أبوك لا يدخل بالموضوع لأن دخول أبوك بالموضوع سيكون مصيري يا نعم يا لا )) بالتوفيق ولا تخلي له ولا لغيره مجال بالتمادي بهذا الاسلوب تحت عبارات مشغول _ نسيت _ اتحملي _ كلها اعذار ((ألزم ما على الانسان كرامته ومشاعرة فلا ترخصيها مع مين ما كان )) أتـمنى لك التوفيق ,, من مجهول لازم ابوك يجلس مع ابوه او اهله ويكلمهم بموضوع الزواج وتحديد ميعاد لان عريسك يعتبر حاجزك بدون زمن محدد وده مش عيب ولايسبب حرج لوالدك هذا حقك وهو يدافع عنه لان في هذه الجلسه هيبان نية عريسك واهله من الرواج لايجب ابدا ترك الموضوع مفتوح بلانهايه او سقف زمني وكان لازم ابوك يحدد ميعاد الزواج قبل الملكه وهذا حدث معي في يوم خطوبة زوجتي وكان معي ابي فقال والدها متي الزواج ان شاء الله فقلنا بعد 6 شهور والتزمنا نحن وهم بهذ الميعاد واتمني لك التوفيق. 
من مجهول الشاب قبل العرس يكون عنده مشاوير و تجهيزات كثيره و ما يكون عنده وقت للاتصالات الطويله و كذلك اصدقاء يعتبوه عليه و اهله بسبب انشغاله بالتجهيزات و يحاول يوازن بين كل هذي الالتزامات . ابعدي عنه شوي و عطية نفس و ان شاء الله في الوقت المناسب يرجعلك احسن من اول انا مريت بنفس التجربه و خطيبتي كانت تشتكي من انشغالي و عدم التواصل 
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين
