حياتي الزوجية أصبحت بلا قيمة بسبب غيرة حماتي مني وإفشائها لأسرار بيتي

السلام عليكم اخواني بالله انا ست ومتزوجة منذ 15 سنة وساكنة مع زوجي الحبيب خارج اوطاننا بغربة والحمد لله كل حاجة على مايرام مع العلم هو من غير جنسيتي انا وهو بنشتغل بقى وعندنا بنتين وحدة عمرها 14 سنة ووحده 12 سنة والحمدلله يدرسون بمدارس قوية وراقية. مشكلتي بإختصار وبمناسبة الحروب القائمة في المنطقة أتت حماتي زيارة وسكنت عندي وانا بالشغل وزوجي بالشغل وماعندي أي مشكلة معاها لو انو وجود أي حد معاك بالبيت أن شاءالله حتى اختي أو أمي بيكون في شيء من الإحراج وعدم الخصوصية بس قلت خلاص وفيها إيه لو جت وسكنت هي برضك أم زوجي وست كبيرة وبلدهم غير مستقرة والكلام ده لكن انا اتعبت اوي ليه بقى أولا أخبار بيتنا اول بأول منقولة لكل عيلتهم تانيا غيرة مش طبيعية مني ومن لبسي ومن طبخي ومن تربيتي لبناتي ومن ترتيبي لبيتي انا خلاص شوية وحتجنن ولما تنزل بلدهم زيارة يادوبك تقعد شوية وترجع على طول عشان عندنا كل حاجة بنظام وترتيب ونظافة غير اللي عندهم المشكلة بقى لما كل الناس تقولها ماشاءالله عليك إنت حلويتي ووزنك زاد ده معناه أنك مبسوطة ربنا يحفظلك ابنك ومراته تقولهم مبسوطة ايه ااااه !!!! طيب ليه كده امال انت لو مش مبسوطة قاعدة عندي فبيتي ليه ماتنزلي تعيشي مع أولادك التانيين ولا قاعدة ومبسوطة بس مش بحب أبين ليه كده ياربي حكيت مع زوجي أن ايه فيه إيه وهو مش عارف يعمل إيه وكلنا بالبيت بقينا مش عيلة واخدة راحتها من كل النواحي النفسية والاجتماعية والثقافية والمالية ومش عارفين نعمل ايه انا حتجنن وزوجي وبناتي كمان بس مش عارفين نعمل ايه وكل أخبارنا بحذافيرها منتشرة وبقية ولادها بيحاولو يزقوها علينا اولا لانه هما مرتاحين من كل حاجة وتانيا لأنه بتوصلهم اخبارنا يوميا وطازة وهما زيها لغايين انصحوني اعمل إيه بقى انا بفكر أخد بناتي وهاجر لمكان بعيد اوي محدش يوصلو ( اوعكو تفكرو انو انا عايزة أبعدو عن مامته أو عيلته ) لا والله العظيم بس اتعبت من النق واللغي وانا ما بفتحشي بقي معاها بس بفضفض لزوجي لاني مش من النوع اللاغاي اللي بنقل اخبار بيتي لعيلتي اولصحابي او جيراني أبدا وبعدها زوجي اتكلم معاها وقلها مايصحش كدة ارجوك يا ماما وطبعا قالتله انا بس بحكي اللي بشوفه هو في ايه ولا مراتك مش عاوزاني أسكن معاكم و انا خلاص بقيت مخنوقة عالاخر. اعمل ايه