تعبت من كيد أخوات زوجي علي دائماً

عايزه اعرف انا صح ولا غلط تزوجت فى بيت عيله وكانت الامور على ما يرام قبل وفاه والد زوجى وكنت احبه واقدره مثل والدى ولكن توفى بعد زواجى بسته اشهر وزوجى الكبير وتحمل مسؤليه اخواته وهم ثلاثه بنات واخ اخت متجوزه والثانيه اتجوزت بعد وفاه والدها باربع سنين والثالثه فى الدراسه وزوجى سافر علشان يقدر على المصاريف ويكون مستقبل لاولاده ولكن على طول اخواته البنات عاملين دايما مشاكل ومدلعين ولو جه اخوهم يتكلم معاهم امهم تقول ما لكش دعوه انت انت مش بتصرف علينا علشان تتحكم فينا وتعد تقولى كده وانا مش برد بس اعصابى بتتعب ويعملوا المشاكل ولازم يدخلونى فيها مش عارفه اعمل ايه ارد عليهم ولا ايه على العلم انى مره رديت بس على كلمهم وما غلطتش فيهم قالوا انى ببجح فيهم وهما بيردوا على اى حد الصغيره قبل الكبيره وبيخدوا حقهم ويقولوا احنا مش بنرد ومظلمين على طول وما لناش حظ المتجوزين اللى بيقولوا كده وجوزى كان لما بيحصل مشكله كان بيقولى اسكتى ويجى عليا والمره اللى وقف معايا فيها طلعونى وحشه وفتانه وبنقله كل حاجه هما بيعملوها فى غيابه على العلم انا ما بقلهوش على حاجه من اللى بيعملوها اسفه على الاطاله