أبي يكره خطيبي ويتمنى أن أفسخ خطبتي منه لكي أخطب شاباً من أقاربه، فما الحل؟

مرحبا ... مشكلتي بصراحه اني من فترة تقدملي شخصين الأول من معارف أهل ابوي و الثاني لا و وافقت على الثاني لأني استخرت و حسيته مناسب الي و فعلا تمت خطبتنا و كتب كتابنا و الشخص للان ما شفت منه شي سيء بس مشكلتي حاليا مع ابوي و أهله حاولو بكل الطرق يفركشو خطبتنا من ذم فيه مع انه للعلم سألنا كثير ناس عنه و مدحوه بس ضلو ينكدو علينا من تجريح من نكد من ذم من تدقيق ع كل شي يعني نحنا من وقت ما انخطبنا من 8 شهور ما طلعنا ولا مرة و زياراتنا الهم و زياراتهم النا معدودة بحكم رفض ابوي و كلام أهله يلي ما بزعلهم و فوق هاد كل زياراتنا الهم ولا وحده منهم رضي يدخل بيتهم حتى على عزومه افطار رمضان ما حضر و بسبب حكي عماتي ما عزمناهم و حاليا بس و أخيرا رضي نطلع حاسبني ع الدقيقه و خبرني من اليوم للعرس ما في طلعه.... و طبعا ما بخلى حكي اهل ابوي عن المقارنات بين خطيبي و الشخص الأول بأسلوب تحقير لخطيبي مع انه تعليما أفضل و وظيفتا افضل و شكلا أفضل و دينا أفضل و اخلاقا من حكي الناس افضل..... تعبت من ابوي و أهله و متأكده لسه بدهم افسخ بس بدي اياه للشب و هو بده اياني...... بدي حل شو اتصرف معهم كيف اوقفهم عند حدهم امنعهم من التعليقات و المقارنات و التدخل بحياتي او ع الأقل بس اسكتهم قدامي لانه صار الحكي ياذيني بطل عندي قدرة على التجاهل أكثر من هيك....