حماتي ضربتني أمام ضيوفها (2)

حماتى ضربتنى امام ضيوفها 2.السلام عليكم ورحمه الله وبركاته اولا شكرا لتفاعلكم واهتمامكم بمشكلتى ثانيا انا سبت ابنى غصب عنى مكنش فى ايدي حاجة اعملها هى اجبرتنى ان اسافر من اغير ابنى محدش يتوقع حالتى ازاى بعيد عن ابنى هى حتى اخدت موبايلى ومخلتش معايا اى فلوس اقدر اقعد بيها فى تركيا انا حمايا وحماتى منفصلين من 19 سنه وحمايا انسان فى قمه الرقى والتحضر والحنان والاحترام اول ما سافرت تركيا كنت مفتقده اهلى جدا كان بيعاملنى زى بنته وعلى الرغم من انه دكتور كبير فى تركيا بس عمرى ما حسيت بكدا من تعامله معايا كان بيحبنى فعلا وجوزى بيحبنى وبيحترمنى خلاف معظم الاتراك الى بيضربوا الستات والاهانه بالعكس هو عمره ما غلط فيا حتى لو انا اتعصبت بيمسك ايدى ويطيب خاطرى ويقولى اعتبرينى اخوكى واحكيلى ايه الى زعلك من جوزك كنت بضحك واحضنه وهو ابن بااار جدا بأهله وامه لما بتيجى زيارة بيبقى كام ساعه وتمشى اما لو جوزى مش موجود بتيجى تقعد معايا جوزى رجل اعمال وانا قاعده فى بيت مستقل و انا مكنش معايا فلوس مصريه كتير يعنى اشتريت موبايل بسيط وقعت فى فندق مصرى بسيط وانا دلوقتى فى بيت اهلى وجوزى معايا وحمايا كمان نزل مصر اول ما عرف لما فتحت فيس من الموبايل لقيت اخويا باعت رسايل كتير اوى اوى اوى وقالى انتى فين لو فى مصر عرفينى ومتخافيش جوزك عندنا وحماكى قلب عليكى الدنيا فى تركيا اول ما عرف كنت مرعوبه ارد واول ما اخويا عرف ان شفت الرساله قالى انا كدا بفقد اعصابى طمنينا عليكى ولو انتى فى مصر قولى مكانك وهاجى اخدك متخفيش محدش هيزعلك وكلمته واول مره فى حياتى اسمع صوت اخويا وهو كان خايف بالشكل داه عليا ولما جيه ياخودنى كانت اول مره اخويا يعيط عشانى اول وخدنى فى حضنه وكنت بعيط جدا الكل كان خايف عليا وجودى اكتر من يوم فى مصر من غير علمهم وجوزى اعتذر لاهلى واعتذرلى وقالى داه بيتك مكنتيش تمشى منه وقالى انا هحل المشكله دى وطلبت افضل فى بيت اهلى كام يوم بس عايزه ابنى معايا قلى خليكى هنا وانا هسافر هظبط شغلى وهنزل انا وابننا مصر نقضى احازة سوا هو وحمايا هيسافروا بكرا شكرا ليكوا بس لسه فى جوايا خوف من حماتى هى ست مش طبيعيه خايفه لتعمل حاجة لابنى لما جوزى ياخده منها ويطلب منها ترجع بيتها للتوضيح هى الى طلبت الطلاق وهى الى اتنزلت عن اولادها مقابل مبلغ مادى كبير من حمايا ومع ان حمايا كان صابر وساكت عشان اولادهم بس هى كانت طماعه