بناتي يرفضن زواجي من شخص أحبني

عندى 38سنه مشكلتى بدات وانا عندى 18سنه تقدم لى رجل بمبنى ب12عام وافق اهلى وتزوجته فى خلال شهر وربنا رزقنى منه بنتان كان بيعتبرنى من ممتلكاته ممنوع حد يشوفنى او اشوف حد ممنوع اطلع عند والدته اللى بتسكن فوقى غير للمناسبات ممنوع اهلى يزورونى الا باذن مسبق ممنوع اخرج السوق ممنوع امسك فلوس ممنوع اكل الا باذنه فضلت معاه 3سنين اهلى قاطعونى علشان مش عايزين يتعاملوا معاه شخص بخيل فى كل شئ حتى فى مشاعره المهم بعد8.5 اتطلقت فضلت عامين واتقدم لى شخص عوضنى الكلام الجميل واحساسى بكيانى لحد ما وافقت اتجوزه بعد الجواز مر عامين على خير وبعدين لقيت نفسى باتضرب علشان غيرت عليه وبعدين كل حاجه اتغيرت من اليوم ده لقيته بيتحول هو كان متزوج قبلى وعنده 3اولاد رجع زوجته الاولى وانا كنت حامل طبعا من باب الغيره حملت هى كمان وبعدين ربنا رزقنا منه ببنت ورزقه من زوجته الاولى ببنت اخرى وحدثت مشكله كبيره بينهم على اثرها طلقها طلقه اخيره وتزوجت غيره.تركت له اربع اولاد اكبرهم 8سنوات واصغرهم عامين واضطريت اتبناهم مع بناتى التلات وعدت الايام وزوجى كان عنده مشكله ماليه قضى على اثرها عام فى السجن وقعدت بالاولاد لوحدى خرج وحصل مشاكل بيننا و كنت هاطلق طبعا حياتنا لم تخلو من المشاكل الكبيره اللى كل شويه توصل للطلاق ونرجع تانى ورجع اتسجن مره اخرى فى نفس القضيه لمدة عامين و ايضا اتبهدلت وراه دخلت اماكن عمرى ما كنت اتخيل انى ادخلها طبعا هو طبعه الشك فى كل شئ وكان بناء على طبعه ده انه بيشك فيا فى كل حاجه انى مش باعامل ولاده كويس انى باسرق من فلوسه انى باخونه وخرج وقبل ما يتم العام كنت اتطلقت واخد وللده إللى من زوجته الاولى واخدت ولادى فى خلال العمر ده كله بناتى اللى من زوجى الاولانى كنت باحس انهم بيكرهونى وبيكرهوه وبيكرهوا حياتهم معايا والدهم رماهم وبقاله 9سنوات مش شافهم ولا يعرف عنهم حاجه لما اتطلقت بنتى كان عندها 19سنه و التانيه16سنه رافضين تماما انى اربيهم او ارشدهم او اهتم بيهم احنا حاليا عايشين مع اهلى انا اتقدم لى شخص ما يترفضش من بنت لسه مش تزوجت وعايز يتبنى بناتى كلهم وعرف ظروفى كلها وحابب يتدخل ويحللى كل مشاكلى النفسيه والماديه بناتى الكبار رافضينى كأم ورافضين انى اتجوز وانا تعبت من حياتى مش عارفه اعمل ايه مع بناتى و اعمل ايه اوافق انى اتجوز تانى مع العلم انا حياتى متدمره انا شكلى صغير وفى شئ من الجمال ونا تعبت حلوها معايا