أمي تكرهني وتدعي أني سبب تعاستها

انا بنت عمري 14 سنة امي بتكرهني هالاشي مش مجرد شعور لانه امي بتقول دايما انها بتكرهني واني سبب تعاستها وعصبيتهاوسم حياتها . وبتدعي علي دايما اللّه لا يوفقني اللّه ياخذني او ياخذها ولايخلينا عايشين في نفس البيت وكثييير اشياء امي بتنتقدني على كل اشي بعملو الحكي الاكل اللعب الجلوس والنوم كل اشي حرفيا ما بتقبل اني اناقشها باي موضوع حتى لو مجرد نقاش وبتعتبره جدال او انو هي كذابة يعني وانو بس انا الصح وهي غلط امي دايما بتنتقد نبرة صوتي وتعبير وجهي بدرجة غير محتملة وتقول اني بنفر فيها او بعمل تعبير غلط رغم اني دايما بحاول اخفي شعوري تجاها قدر المستطاع حتى اذا اجيت امزح معها بتعتبرها وقاحة يعني الاشي مش بس عصبية لانه ابوي عصبي بس هو بيحبني ومش زيها حتى اني بحكي معو بنفس الطريقة بس ما بعلق وبمزح معو نفس المزح عادي بقول انه ممكن من شغل الدار وبحاول دايما ارضيها ونسالها اذا انت راضية وتقول اه بس هي ما بتطيق تسمع صوتنا انا واخوتي انا طالبة متفوقة ومادبة جدا بالمدرسة وبالمجتمع خارجا وامي كمان شخصية محترمة ومحبوبة جدا ومعروفة انها منطقية وعادلة انا بطلت تهمني علاقتي معها بس انا بفكر باخوتي وشو راح يصير معهم بس يكبرو بس المصيبة اني صرت زيها ما بطيق اي صوت او نقاش بالذات مع اخوتي صرت معهم بالبيت زي الارهابية لما نكون لحالنا انا بطلت اقدر اتحمل مافي اي احد ممكن اشكيلو وما بدي اعمل مشاكل بين امي وابي بس انا تعبت وانا بفترة بحتاج كثي دعم عاطفي منها ساعدوني