كرهت أخي وزوجته بسبب كذبهم ونفاقهم

زعلانه من اخوي وزوجته وهذا شيء راح يخليني اكرهه واقطع علاقتي فيه الين تصبح رسميه ويخالطها مشاكل ؛؛ السلام عليكم في رمضان زوجه اخوي قالت انها في شهور الاخيره قلت لها سويتي سونار لكشف نوع جنين قالت لا سكت وبعد ٤ ايام سالت اخوي ايش نوع جنين قال ليش سؤال اللي يجي من الله حياه الله وانا مادري المراءه دخلت طبيبه وسوت تحديد جنس جنين ماعلمتكم وهذا كلام قبل شهرين قبل مانجي عندكم ؟ قلت لا ماسالناها استحيت اطلعها كذابه قدام اخوي ثم بعد ٧ ايام رحت ازور عمي اللي اهو ابو زوجه اخوي يعني زوجة اخوي بنت عمي ومعنا في نفس حاره قبل ادخل مجلس كنت بمقلط امشي بمهل سمعت اخوي قال لعمي ان زوجته اللي هي بنته حامل ببنت وان بنات خالتها يبون يسمون بنت مسك او عنبر او لبنا وان جهزنا لها سرير وملابس وحفله وعقيقه مو ناقص الا وجودها انتظرت خمس دقايق بعد ماغيروا سالفه ثم دخلت وجهه اخوي تغير ومن بعدها صرت اسلم عليه من طرف اصبعي وهو لاحظ وسالني وقلت اللي يكذب عليه اعامله بمشاكل ماله اول ولاتالي واللي يكذب على اخته مره يكذب عليها مرات يحسبها غشيمه ماتفهم قال لي وش تقولين وش تخبصين قلت اللي سمعته وخرق اذنك وجات زوجته بعدها بيومين زياره وسلمت عليها سلام اي كلام ولاحظت قالت وشفيك قلت لا تطول جلستك هنا في بيتنا مانحب كذابين ؛؛ سكتت ماقالت شيء .. ويوم ثاني رحت ازاور خواتي من ابوي يصيرون كمان بنات خالتها حصلت باب شارع مفتوح وشغاله تكنس الحوش ودخلت وكانوا في مجلس نساء زوجه اخوي وخواتي قالت زوجه اخوي انا ما ابي خوات زوجي اللي هم نحنا يحضرون العقيقه وابيكم انتم تحضرون لانه اختياركم بالاسم حلو وذوق وماعلمتهم عن جنس جنين علشان مايعطوني اسماء ماتعجبني قلت لهم ماسويت وضحكوا خواتي من ابوي واظطريت اجلس في صاله اذا هذي اولها كيف تاليها ثم قالت وحده من خواتي بنكلم فلان اللي هو اخوي ثاني يودينا لعند بيتك قبل عقيقه بيومين قالت زوجه اخوي ودي فيكم لان ذولاك هم وراعين مشاكل وفجاءه طلعت وحده من خواتي من مجلس وشافتني وشهقت ورجعت ورى وضحكت وطلعوا كلهم يضحكون وجيههم متغيره .. وقالوا من خرعه الله لا يحيك ثم قالوا نقصد حياك الله سلمت وقلت اصلن تو جيت بس فكرت احد من خوالكم معكم فجلست وطلعت فلانه وخرجت بسرعه وخبرت اخواتي وانصدموا وقالوا نشوف ايش اخرتها ونصف رمضان خواتي من ابوي ماحصلوا احد يقضيلهم مقاضي فطلبوا من اخوي ياخذ من مقاضينا لاننا نحن مقتصدين بالاكل الحمدلله قام اخوي دخل مخزن وفضى كرتون ويحط مقاضي من كيفه شفته صدفه قلت لمن هذي وهذي مقاضي شهر ٩ و١٠ و ١١ قال للعمال اللي بمزرعه صدقه ماتبون اجر قلت طيب صدقه تاخذ شوي مو تعبي لقوم جياع لهم سنه ما اكلوا شيء قال طيب رحت وبعد ١٧ ثانيه رجعت وانا راجعه قال لزوجته بتلفون افتحي باب باركيه انا بدخل الاكل منه وباركيه في بيت خواتي من ابوي فقط والتفت شافني وراه وقال بدخل سياره ابوي لانه ما احد استعملها .. قلت يصير خير .. ،، وعلمت خواتي بكذبته انصدموا وقتها اختي علمتني على كذبتها زوجه اخوي قبل ٩ شهور وانها تكذب علشان تغطي واللي يغطي مسوي شيء غلط ... وانصدمنا من كذباتهم وكيف ربي كشفهم المهم جاء العيد اخوي يمد يده يعايد رفضت يده وقلبتها على وجهه استغرب قال عيد ومعايده قلت معليش قبله كان رمضان وماحترمتوه من كذب . وجات زوجه اخوي تعيد ماسلمت ومامديت يدي جلست تبكي زي بريئه قلت معليش رمضان فيه ابواب جنان وليس نفاق تبكين على العيد مابيي عيدك ولا سلامك وامور تافهه راح اقلبها ضدك بمشاكل عمرك مافكرتي فيها وراحت وهي زعلانه قلت لها عساه دوم الزعل وجلسوا ١٠ ايام وسافروا يوم ١٤من شهر عشره جابت بنت ساعه ٦صباح وسمتها مسك جاء اخوي يبشر امي ساعه ٨ ليلا ويكذب يقول توها والد وسالته امي ايش سميتوا بنت قال لسه ماسميناها وقلت لامي بعد ماخلص من مكالمه كل شيء وسموها مسك وكان يدري انه بنت والخ .. انصدمت امي عاد امي كانت تبي تحول له ١٠٠٠ريال بس هونت ويعد ٥ اتصل اخوي ساعه ٥ عصرا وامي ماردت اتصل علينا ماردينا يكتب واتس نقرا مانرد يسال وش فيه ماجاوبنا ارسل علينا اخوي ثاني متزج يدق باب مافتحنا وش فيكم مانبي احد وبعد اسبوع سوا عقيقه بنته وخواتي من ابوي كانوا هناك وصور وهي صورت وقلت ل امي شفتي ماكذبت عليك بحرف وانه هم متقصدين مشاكل با انفسهم وبعد هذا كله مايبونا نحضر زواج بنت عمي وانا من فوق خشومهم بحضر واكسر كلمتهم وخشمهم قدام الناس علشان الطرطور مع مرته ومع خواته قوي ياكل هوا ملطخ بالدم . قلت ل امي زواج يوم ٢٦ ةبحضره ان شاء الله شريت لي فستان ونقشت وحجزت نكياج وتسريحه وماعليه من احد وكمان خواتي بيحضرون معي وتجهزوا لان فيه اشياء ماقلتها زي كنت لما اودي ل اخواني فطور ثاني بمجلس اسمعهم يقولون خواتي عوانس وانه ماتزوجوا وانهم مايطلعون ولايحضرون والخ .. فعلشان ان كانت حجه ليش كسرتي كلمه بقول من قال كذا وكذا وقتها راح يعرفون ان ربي يكشف لي خططهم كل اللي ابيه كلام محفز وكل كلام فوق فضفضه لان كل واحد لا يستطيع ارجاع ماضي ..