والدي يريد تزويجي لرجل بحثاً عن المكانة العالية

احب شخصا تقدم لخطبتي نحن من محافظتان مختلفتان انا بالجامعه وهو مخلص بيشتغل بينا حاول يتقدوم وبابا رفض وقال بعد الجامعه بس بابا رافض اني اتجوز بره بيقول انو لو اتجوزت بره محدش هيعرفني وعايز يجوزني جوه بلدي وعايزني اكمل ماجستير ودكتوراه بعد كليتي وانا مش عايزه دا انا حبيت الشخص دا جدا لاخلاقه ولشخصه بس بابا عايز حد مكانته عاليه مش شخص بيشتغل في شركه خاصه وبيقولي دا لو فقد وظيفته من الصبح بسبب انو شركه خاصه مش هتعرفي تعيشي وان مثلا لو حصل نصيب وغلط في حقك نعرفوا منين عشان نرد علي اهله انا مش عارفه اوضح وجهة نظري لبابا ومش حابه فكرة الجواز التقليدي الشخص دا مناسب لفكري وبيحبني وانا كذلك بس انا مبعرفش اوضح وجهة نظري فبسمع واسكت مش عارفه اجيبها ازاي ليهم وخايفه بابا يعند مسلماها لربنا بس خايفه اقوله ينتظرني لبعد الجامعه بابا بعدها ميوافقش عليه ويعند معايا ومش قادره فكرة اني اكون لشخص تاني اه كل شئ قسمة ونصيب بس برضو في قرارات بتبقي بايدنا مش عايزة اخسر ابويا ومش عايزة افقد الشخص اللي حبيته وحبني وبابا بيقولي ان موضوع الحب دا مبيقتنعش بيه مش عارفه اوصل لحل ومش قادره انهي علاقتي بالشخص دا مع العلم ان كل اللي بينا مكالمه بالليل بعد شغله اطمن انو روح وهو يطمن عليا وبس لانو شخص بيتقي ربنا فيا ادعولي ربنا يرزقني بيه وقولولي حل لاني مش عارفه اقف قدام بابا واقوله بحبه اولا اتكسف ثانيا بالشكل دا بابا مش هيرضي نهائي