كيف أٌصلح بين أخواي ما أفسدته الظروف

السلام عليكم ..ياريت من غير اسم لو سمحتم .. يمكن موضوعى مختلف شويه بعيد عن الأزواج والزوجات ومشاكلهم المعهوده .. مشكلتى ان ليا أخين بس متزوجين الكبير جامعى انسان بسيط وذكى جدا ومتدين وخلوق وبار بوالديه بس عيبه بيحب يريح دماغه اوى اوى يعنى مراته تنقل كلام توقع الدنيا فى بعضها عادى تعمل مشاكل فى مناسبه خطيره فى البيت عادى سايب الدنيا لوحدها كده .. الأصغر منه تعليمه متوسط عنده حقد على اخوه بيظهر فى كل تصرفاته باعد تماما بأسرته عن امه وابوه ولا حتى بيعاملهم معاملة الجار حاطط كل فشله على راس اخوه ان هو السبب المشكله الأكبر فى بنته الصغيره بيكرهها فى بنت عمها بكل الطرق خلاها بشعه من جوه رغم انها طفله الا ان عماتها كلهم مش بيحبوا أسلوبها وقحه جدا مع الكل سووووده من جواها كأن عندها 60 سنه رغم انها فى صف تالت ابتدائى .. سؤالى ازاى اقدر اغير اخويا الصغير وأخلى قلبه نضيف ناحية أخوه وازاى أغير بنته طبعا ده موضوع مأثر على امى وابويا واخواتى وكلنا زعلانين من كده وزعلانين عالطفله الحقوده على بنت عمها دى هما عايشين فى بيت واحد بس مستقلين فى شققهم .. اسفه للاطاله وشكرا