هل أصارح خطيبي بمرضي؟

السلام عليكم ' انا بنت عمري ٢٥' مخطوبه من سنه ' وزواجي بعد شهر ان شاء الله ' لكن عندي مشكله وابي لها حل ' انا اصبت بمرض الاكتئاب بسبب مشاكل ' وسببت لي مشاكل صحيه الم بالجسم وضيق بالتنفس والتفكير بالانتحار ' والحين اتناول علاج الاكتئاب ' لكن ويشهد علي اني ما اصبت بالاكتئاب غير بعد مامر على خطوبتي سنه ' كنت بصحه جيده ' لكن المشاكل اللي مرت علي سببت لي هالمرض ' ابي اصارح خطيبي اني اتناول العلاج مابي اخبي عليه ومع مر الايام يكشفني ' للمعلوميه خطيبي متفهم بالحيل حتى هو كان مخبي علي اشياء وصارحني فيها وتفهمته ' لكن انا اخاف اصارحه بمرضي ' لانه هو بداء يلاحظ كثره تهربي من مكالماته حتى لاحظ مزاجيتي السيئه لكن يحسبها فتره يوم او يومين وتروح ' انا احبه لكن صرت انفر منه بدون سبب واسوي مشاكل على اتفه الاسباب بسبب مرضي ' كيف اصارحه !!!!!