بيتي سوف ينهدم بسبب ما أعانيه من الابتزاز الالكتروني
من مجهول
تاريخ النشر: 24-07-2018 46 إجابات
بيتى هيتخرب بسبب النت السلام عليكم انا سيده عمرى 50سنه عندى اربع بنات وولد مشكلتى انى مش بفهم ف النت كويس من فتره لقيت واحد بيكلمنى كلام قذر روحت شتماه وعملت بلوك انا تخيلت الموضوع انتهى لكنه بدا يعمل اكونت تانى وبردوا يتكلم كلام قذر ويبعت فيديو ولما شتمته تانى حلف مش هيسبنى ف حالى سرق الاكونت بتاعى وعليه صورى انا وبناتى ومعرفش عمل ايه ف الصور لقيته باعت صورنا عريانين غير انه عمل اكونت باسمى وعليه نفس الصوره وبيكلم ناس على انه انا انا خوفت واتكلمت معاه وهو حس بخوفى بدا يطلب كروت شحن كنت ببعت لكن لو مش بعت بيبعت رسايل لولادى وجوزى وجوز بنتى يقول كلام مش كويس عننا ودلوقتى طالب منى مبلغ وانا مش معايا مش عارفه اعمل ايه انا متدمره ومقدرش احكى لجوزى او اى حد انا بيت عيله وهتبقى فضيحه بالله عليكوا حد يقولى اعمل ايه واخلص منه ازى واسفه للاطاله جزاكم الله كل خير
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا سيدتي احذري ان ترسلي له اي مبلغ هذا أولا، وان كنت تعرفين موقع الجرائم الالكترونية قدمي عليه شكوى، وهم يتعاملون معه فهو نصاب ومحتال ووجدك غشيمة وفريسة سهلة بالنسبة له، لذا احذري ان ترسلي له شيء، واعملي بلوك واغلقي الانترنت تماما وقولي ان موقعك تهكر، يعني اتسرق كما قلت، وبالطبع زوجك واولادك سيعرفون ان اي امر يصلهم هو من ذلك الذي سرق موقعك وحتى لو عليه صور، لانه يعمل على تركيب صور وجوهكم على صور خليعة لاتهامكم، ولكن انت ادرى بسلوكك وسلوك بناتك لذا لا تقلقي منه لانه جبان وسيعرف انه سيتم الامساك به ان فعل اي امر، المهم ان لا تخافي انت لم ترتكبي اي خطأ سوى بارسال بطاقات شحن له لانه هددك، ولكن معروف انه يمكن ان يخترع حساب باسمك او يرسل صور واي امر اخر، لذا انت لا علاقة لك بتصرفاته والتي لن يؤذيك بل ستجعله في يد رجل ليقتص منه. وان شعرت انك تريدين دعم قولي لابنتك واخبريها ان حسابك اتسرق وانه يصلك تهديد من رجل وهي ستتصرف كما قلت لك، وان شاء الله الامر ينحل بسهولة وسرعة، المهم لا تخافي. وفقك الله وطمنينا عنك. - 0
- اعجبني
- .
- اضف رد
- .
- عرض الردود
- .
- 25-07-2018
-
من مجهول السلام عليكم،الشخص ده بيبتزك، وبيستغل خوفك لصالحه، وهوه عارف انك خايفة، واذا خضعتيله حيطلب اللي اسوأ من كده. بلغي والدك ووالدتك وزوجك، ماتكونيش لوحدك، انت قلتي انك في بيت عيلة وخايفة من الفضيحة، بس صدقيني الفضيحة الاكبر انك لو سمعتى كلام المبتز ده ونفذتى طلباته. وماتروديش عليه، وروحي لاقرب قسم شرطة وبلغي عنه، بيحولوكي للجرائم الالكترونية، وبيحددو مكانه وبيجبوه، على فكرة مش انتي لوحدك اللي اتعرض لابتزاز من النوع ده، والله ينجيكي، ونصيحة لكل واحدة متزوجة او بنت او اي شخص انه ماينزلش تفاصيله الشخصية على اي موقع تواصل بالشكل انه يحصل معاها موقف زي ده. 
من مجهول عرفي جوزك وكل اللي عندك بالحقيقة الكاملة وزى ماقلتلي انتي قليلة الخبرة بالنت لكن هما هيعرفوا بطرق كتيرة هو مين بالضبط ويتعاملوا معاه سواء بالقانون أو بغيره مع العلم أن اذا ثبت عليه الفعل ده هيتسجن ولا تخافي ولا تتردد ى لكن غير كده هيستنزفك انتي وغيرك اتكلي علي الله من مجهول اسمحيلى اختى هو جاب منين رقمك ورقم ولادك ورقم زوج بنتك هو انت حطا كل الارقام ع فيسك وبعدين الصور لو مركبه حتبان مهما وصل درجة الإتقان فى كل الاحوال انتى عندك ولاد يتخاف عليهم وبيت واسره شوفى الحل اللي ميهدش البيت لو انتى كنتى غلطانهلو مش غلطانه يبقى لازم تاخد ى حقك و تروحى تبلغى عنه من مجهول يا خالتي خلاص معدش حد بيخاف من الحاجات دي بجد وانتي مغلطيش قولي لجوزك حسابك اتسرق كلنا معرضين لسرقة الحساب والشخص ده خدي اسمه و الاكونت بتاعته اللي عملتلها بلوك و رسايله وحيطلعوه بسرعة البرق اوعي تديله فلوس حيبتزك اكتر و حيضيف انه انتي معه على علاقة والدليل الفلوس اللي بعتهاله والله زعل جوزك يوم او أسبوع على حاجة مش ب إيدك احسن من انك تخبي وتضيعي نفسك في حاجة اكتر من كده شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين
شارك في اخر الاختبارات
