لا أحمل أية مشاعر تجاه خطيبي

السلام عليكم انا بنت عندى 33 سنه ودلوقتي انا مخطوبه لواحد ف التلاتين يعنى مناسب ليا ف العمر .مشكلتى ان انا ثقتى بنفسى مهزوزة شويه لدرجة أن انا وافقت على الخطوبه عشان انا حاسه ان محدش هايتقدملى كويس تانى وانا هايتقدملى الناس على ايه .خطيبى ده حد محترم وكويس وطيب وبيستحمل غضبى منه طول الوقت .بس انا مفيش اى مشاعر حلوه تجاهه ومش مبسوطه زى اى بنت بالخطوبه دى وحتى مش مبسوطه انى هاتجوز قريب. وصعب آجى دلوقتى واقولهم مش عوزاه .امى متعلقه كتير بالجوازه دى .يمكن عشان انا مبقتش صغيره وكمان هى اكيد عاوزه تفرح بيا .انا كان نفسى احب واتحب يعنى يكون شعور متبادل.اسفه طولت ف الكلام .السؤال هو فعلا الحب بيبجى بعد الزواج ويمكن من معاملته ليا احبه ولا انا كده بظلمه وبظلم نفسى بالجوازه دى