أعيش في حيرة لا يعلمها إلا الله

السلام عليكم و رحمة الله و بركاته انا مشكلتي اني اعجبت بزميل ليا في الشغل هو اخلاقه كويسة جدا و في صفات كتيرة شداني و انا عمري ما اتشديت لحد بالرغم اني كنت في مدارس مختلطه من قبل ... لكن المشكلة مستواه المادي اقل مني شوية بس هو ليه مستقبل كويس بابا سال عنه لما اتقدملي الناس كلها شهدت باخلاقه و قالت انه زي الجنيه الدهب ... بس بابا رفضه بسبب وضعه المادي الحالي و قبل ما يرفضه عرض عليه يشتري معاه الشقة مناصفة معرفش بابا كان بيختبروا و لا ايه بس الي اعرفه انه قالي المبدا مرفوض و ده عمل عداوه مل بينهم حسس بابا انه مش جد. .. اتقدملي واحد تاني مش هكدب عليكوا في كل المواصفات الي كان نفسي فيها بس شخصية لسه معرفهوش و حاسة انه حرام اقابل واحد و انا معجبة بحد تاني حتي عشان انسي فقلت اصلي صلاة استخارة عشان اقابل الشخص ده في نفس اليوم عيت ببرد جامد و كنت هاقول لماما نقابله جسمي كله تعب معرفش دي صدفة و لا انا عشان معحبة بزميلي بتحجج غير ان بقالي يومين كان في مشكلة ما بيني و مابين زميلي ده و هو عمال يتصل يحاول يصلح ما بينا عشان المشكلة متزدش انا صليت قبل كده صلاة استخارة عشان زميلي مقدرتش اسيبه بس البيت عندي كله خد فكرة وحشه عنه و حاليا مش طايقه افيدوني ايه العمل في الموقف ده؟