حريتي مقيدة ولا أعلم كيف أتصرف مع حماتي الفوضوية

مرحبا انا متزوجه من ما يقارب الشهرين و الحمد لله زوجي من افضل ما يكون تعاملا و اخلاقا و ساكنه معنا امه و هي كمان جدا منيحه بس المشكله ما بعرف اتعامل معها هي نسبيا فوضويه برتب و برجع بلاقي المكان مكركب و لما تعمل شي بتكركب كل شي حوليها و بتعب و انا انضف ولو انها تحكيلي شو بدها و اعمله اسهلي و لازم كل يوم تقعد تحكي 3-4 ساعات و انا شخص بكره الحكي الكتير كل حياتي دراسه و ما عمري قعدت زي النسوان احكي فبنغم من كترته و مشاركيتني بكل شي طلعاتنا روحاتنا كل شي يعني مستحيل اطلع مع زوجي لحالنا ولو ع بيت اهلي و متغلبه من لبسي يعني انا شخص بحب البس و اتمكيج و هيك بس بخجل قدامها كونها شخص كان دايما يعلق ع اللبس القصير او الألوان الغريبه فبخاف اسمع تعليق والله في لبس من جهازي بعده ما انلبس كل ما اطلعه برجع بخبيه خوفا من التعليقات و اغلب يومي من كتر الحكي ما بقدر اقوم اسشور لو بدي او اعمل تسريحه بستحي اقوم و هي بتحكي و بستناها لتخلص بكون خلص داقت نفسي بعد أقل شي ساعتين حكي فما بعمل شي و شغله انه عندها نسبيا تكبر و شوفه حال و كتير بتهين اهلي كونهم ع خلاف و ما بعرف كيف اسكتها و ما تحكي عنهم لو شو ما كانو بضلو اهلي و كانت قبل تروح ع كل مكان حاليا قاعده طول اليوم معنا حتى أول أسبوع من الزواج كانت معنا. رغم أنها جدا منيحه و تعاملا ما شاء الله عليها بس عمالي بحبس كل شي و بسكت فبنقهر يا ببكي لحالي يا بحبسها و بسير يطلع ع جسمي بقع زرقا من الضغط و الحبس تعبت و مو عارفه اتعامل معها و قدامنا عمر طويل لو بضل هيك لآخر السنه بنجلط و مستحيل احكي لزوجي عن شي لأنه فوق كل شي هاي امه.