حياتي مع خطيبي عبارة عن قهر وذل، فما الحل؟

السلام عليكم ورحمه الله ' انا بنت عمري ٢٤ سنه ' مخطوبه لي سنه وانا ابكي بحرقه بسبب خطيبي واسلوبه معي ومقدر اصارحه بشي لاني يوم صارحته بس يكسر فيني وقدمت تنازلات عشانه مثل حرمني من القياده وهذا حقي وسكتت وحرمني من وظيفه معينه معن مافيها شي ولا فيها اختلاط يقول توظفي بأي شي الا هالوظيفه وحرمني من زفتي يوم الزواج وسكتت ' وقلت ابي اجلس اقل شي بغرفه القصر عشان صديقاتي يبون يشوفوني جايين من مسافه بعيده عشاني لكنه رفض لسبب انه مايبي امه تنزعج يقول ممكن الناس تزعل وتقول لامي ليه مادخلتيني على العروس اشوفها وهذيك بتزعل وهذيك بتزعل يعني ما اخذ رايي ولا راي اهلي بالموضوع هالكلام من عنده مو من امه موضوع زفتي انا حره فيها لكن مايبيني اتناقش فيها ولا اتكلم بالموضوع عشان مايعصب مو بس كذا حتى قبل لا نملك على بعض كان يدري اني البس بناطيل لكن بعد الملكه يقول لا تلبسين هالشي عند اهلي ' قلت اهلك كانوا عارفين وانت عارف اني البس بناطيل قبل لا نملك على بعض لا تحطني بالامر الواقع من الاول دامك تعرف اني البس هالشغلات كان رفضتني ' عصب علي وقال ماتلبسينه عند اهلي وسكتت ايضا وبلعتها لكن هو ما تنازل عن اي شي عشاني فوق هذا يوم اصارحه ايضا ببروده العاطفي يقول وش اسوي انا كذا 'يعني مافي سبب معين لبروده ' ويتزعل مني اذا كنت زعلانه او اعصب عليه من اسلوبه البارد معي تخيلوا حتى اسمي مايناديني فيها ولا يناديني بكلمه حلوه مثل حياتي او حبيبتي بس يقول هيه ، حتى بدايه الخطوبه كان رومنسي لابعد حد لكن مدري ليه قلب فجأه وتغير، بكل شي ياخذ راي اهله فيه حتى اغلب اثاث الشقه اخذ راي اهله ' وقبل كم يوم قالي انا اخترت لون الطاوله كذا واخترت كذا وكذا واقوله صورها بشوفها يقول ارسلك الصوره بكره ولما يجي بكره ما اشوفه يرسلي شي ينساني ماكان معي كذا ابد ' لدرجه يقول انا ماني مقصر معك عشان تزعلين احسه يتمنن علي بكلمته ,حتى لو ماقصر معي في احتياجات ثانيه مقصر فيها معي مثل الكلام العاطفي ابي احس انه يحبني ماني حاسه بهالشي واذا عاتبته ليه ماتكلمني وتسحب علي يقول واذا ماكلمت اليوم خير ياطير , رده قهرني بالحيل ‘ واذا شافني متضايقه يقول وش فيك متضايقه تكلمي واذا تكلمت وعلمته انه ليه كذا معي يعصب علي، طيب هو سألني ليه متضايقه ليه يعصب علي !!، صرت اي تصرف اشوفه منه اسكت ولا اتكلم واكتمها بقلبي وابكي بيني وبين نفسي وما اشكي له شي ' خلاني انا الغلطانه بكل شي ومالي اي احق بشي ولا لي راي بشي كأني جاريه مالها راي بشي