زوجة أخي عنيدة وتعامل أخي بسلبية

وانا فى اواخر اشهر الحمل فى البيبى الاول والدتى اتوفت وكان اخويا عمره سنة الا شهر الخبر كان شديد على الكل بابا كان فى الخارج بيشتغل فى منصب مهم انا وجوزى اللى ربينا اخويا مع اولادى كان ابن لينا انا وجوزى بنتى الكبيرة اخويا اكبر منها بسنه وخلفت بعدها بنتين توأم اخويا اكبر منهم ب ٤ سنين هما الاربعه علاقتهم قوية جدا ببعض وعندى ابن كمان حاليا فى ٢ ثانوى اخويا وهو فى الجامعه حب بنت البنت كانت اقل من اخويا اجتماعيا كانت من عائله على قد حالها اول ما اخويا عرفنى مكنتش مقتنعة بيها بس هو كان مصمم عليها وافقنا واتجوزوا من اول شهر واخويا بيحكى قد ايه فيه فروق بنهم فى كل حاجة حتى مستوى التفكير كنت بفضل اقنعه ان الموضوع عادى وعلى ما تتعودوا على بعض المهم مرات اخويا فى الطبخ متعلمه بسيط جدا اخويا فى منصب مهم وكان عازم قيادات مهم فى البلد هو كل مرة بيعزمهم فى مطعم بس يوميها هما طلبوا بيته المهم اخويا ساب ليها الكارد عشان لو حبت تسحب فلوس وقالها ظبطى العزومه قبل العزومه بيوم اخويا اتكلم مع مراته وسأله قالتله هعملكوا صينيه فراخ فى الفرن و ارز وصينيه بسبوسه اخويا كان فاكرها بتهزر وطلعت بتتكلم جد اخويا اتكلم معاها انه مينفعش هى صممت اخويا خرج لصلاة الفجر وهو مخنوق وقابل جوزى وابنى الصغير هناك للعلم احنا ساكنين فى نفس المنطقه وبناتى كانوا فى المسجد كمان اخويا حكى للبنات والبنات قالولوا خلاص هنجهزلك كل الاكل اللى انت عايزة وسهروا البنات يوميها حضروا قايمه بالاكلات الرئيسيه والاطباق الحانبية والشربات والسلطات والمشروبات بالمختصر كل حاجة وبناتى دارسين مطابخ معظم البلاد مرات اخويا منكدة عليه حياته من يوميها واتكلمت فى حق بناتى بالباطل كلام كبير لو اخويا عرف هيطلقها لحظتها للعلم ان بناتى واخويا كلموا مرات اخويا يوميها وطلبوا منها انهم يحطوا قايمة الاكل سوا قفلت السكه فى وش بنتى اخويا بقى مكتئب من كمية الطاقة السلبية اللى عاد عايشها لى البيت لغاية ما قالى امبارح وهو عندى كان عندك حق لما قلتلى الجوازة دى مش هتمشى مكنتش لازم اعاند ساعتها