زوجة أخي الكبير سبب تعاستي في هذه الحياة، فما الحل؟

انا بنت وحيده على اربع ولاد انا اصغر واحده فيهم انا فى ٣ جامعه اخويا الكبير متجوز من سنه نص واخويا الاصغر منه خاطب والتالت بيحب واحده وان شاء الله فى خطوبة قريب اما الاخير هو وصحبتى المقربة بيحبوا بعض وقاريين فتحه مش دى المشكله المشكله فى مرات اخويا وعدم حبها ليا انا ميفرقش معايا حبها اصلا بس هى بتتكلم فى حقى وحش وخلت زوجات اخواتى المستقبلين ينفروا منى والسبب داه كله عشان اخواتى بيحبونى جدا وقريبين من بعض انا عايشه فى بيت لوحدى قريب من جامعتي وبنزل كل اسبوع يومين اخواتى يوم ما انزل بيكون فرح فى البيت حتى اخويا المتجوز بيعشقنى وانا بحبهم جدا بس هى بتغير اوى لما حد من اخواتى يحضنى ولما تلاقيني عارفه كل حاجة عن اخواتى من اصغر حاجة لأكبر حاجة مفيش بينا اى حاجة تستخبى هى مش بتعرف تطبخ اوى على عكسى انا بجانب تفوقى فى دراستى وجامعتى بعرف اطبخ احسن من مليون شيف البيت عندنا بقاله 8 سنين مشترناش اىا كل و حلويات من بره حتى تورتة العيد ميلاد انا بعملها احسن من افخم محل الموقف اللى كبر الغيرة ناحيتى ان اخويا كلمنى يوم عيد ميلاده قالى اول عيد ميلاد ليا متنزليش ومش تعملى ليا حلويات زى كل مرة يوميها انا كنت فى للببت اللى قاعدة فيه لجامعتى صعب عليا الفترة دى كنت فى امتحانات انا فى كلية هندسة قمت سيبت مذكرتى وعملتله التورتة والكب كيك وحلويات تانيه وكلمت اخويا الصغير قلتله يجى ياخودنى وروحت بيت اهلى اول ما دخلنا ظبطنا انا واخواتي كل حاجة لعيد ميلادة وهو اتفاجأ وفرح جدا وحضنى وقالى عيد ميلادى من غيرك ملوش لازمة كان اخواتى الولاد كلموا صحابه وكل زوجات اخواتى المستقبلين كانوا هناك ساعتها مرات اخويا زعلت وطلعت وسابتنا واخوايا راح صالحها يوميها هى خدت ارقمهم وفضلت على تواصل معاهم تحرضهم عليا الكلام وصلى من صاحبتى المقربة اللى بتكون حبيبة اخويا انا دلوقتى عايزة احكى لاخويا للعلم انا عاتبتها اكتر من مرة على اسلوبها معايا وعدم حبها ليا وقلتها تعالى نبدأ من جديد وانا مش زعلانه منك على اى حاجة عدت انا كنت فرحانه جدا بيها انها اتجوزت اخويا وكنت بتمنى انها وبقيت زوجات اخواتى يكونوا ليا اخواتى البنات اخويا لو عرف هتبقى مشكله وفى نفس الوقت انا مبقتش مستحمله كلامها عليا انا سمعت تسجيل صوتى ليها وهى بتدعى عليا ان اموت وتستريح منى انا كنت عملت حادثة من شهر والحمد لله بقيت كويسه كانت بتقول كنت بتمنى تموت فى الحادثة دى وبتقول انها بتكرهنى للعلم اخويا مش حارمها من حاجة اخويا رومانسى جدا بس علاقتها باخواتها الولاد مش زى علاقتى انا واخواتى ببعض انا مبقتش انزل بيت اهلى عشانها ولو نزلت بنزل الخميس بليل واسافر الجمعه العصر اخواتى هما اللى بيجوا يقعدوا معايا بالايام عشان بكون وحشاهم هى لغابة دلوقتى مش عارفه تأثر على اى واحده من زوجات اخواتى وهما اللى بيدفعوا عنى فى غيابى ياريت تنصحوني اعمل ايه انا عندى استعداد اساعدها تتعالج نفسى لو مشكلتها نفسيه