حالة خطيبتي ساءت بعدما عرفت الحقيقة، ساعدوني

انا خاطب وبحب خطبتى ومخطوبين عن قصة حب كبيرة هى اصغر منى بدفعة فى الجامعه اتعرفنا عن طريق اصدقاء مشتركة وحبينا بعض والحمد لله حاليا مخطوبين والفرح قريب ان شاء الله خطبتى عايشة فى المدينة من وهى فى ٣ ثانوى هى واهلها اتنقلوا فجاءة وسابوا القرية اللى كانوا عايشين فيها لما سألتها سيبتوا القرية ليها قالتلى عادى مفيش سبب شوفت اجابتها شئ طبيعى انا معنديش اى اهل ليا فى قرى وكان نفسى انزل اعيش يومين فى القرية فضلت كام شهر بطلب منها ننزل اسبوع عند اهلها فى القرية كانت ترفض وتقولى الجو مش لطيف هناك ومن كتر الاصرار بتاعى والدها قالها خودى خطيبك وانزلى يومين من واحنا فى الطريق وهى متغيرة اول يوم وصلنا فيه وهى رافضة تخرج من البيت تالت يوم اصريت مع اصرارى وافقت واحنا بنتمشى فى القرية شافت ناس صحابها وقفت تسلم عليها وانا دخلت محل اشترى ليها شوكولاته وبجيب ليا شيبسى وانا واقف عند المحل لقيت مجموعة ستات بيقولوا حرفيا " شايفين ليها وش ازاى تنزل البلد بعد اللي حصل دى لو بنتى مكانها كنت قتلتها اما ابوها بعد الفضيحه خدها ووداها المدينة مفكر كدا البلد هتنسى فضيحتها " وقالوا اسم خطيبتى وابوها واهلها واخوتها فى الكلام وغلطوا فيا ان انا مش راجل بعد ما اتجوز واحده زيها الكلام كان صادم ليا كلمت خطبتى يوميها بليل كنا سهرانين وانا فتحت موضوع رفضها الدائم لنزولها القرية فضلت تتهرب وغصب عنى حكيت كلام الناس لقيتها اتعصبت وحكتلى ان قبل ٣ ثانوى بشهرين كان حصلها زيادة فى الوزن وكانت بتخرج كل يوم فى الاجازة تمشى على الطريق فى القرية وفى مرة وهى بتمشى طلع عليها كام شاب وحاولوا يغتصبوها وهى بتصرخ راجل كان رايح الارض بتاعته سمع صوتها ونجدها الموضوع كان كبير عليها اوى وحالتها كانت مدمرة والبلد كلها كانت بتتكلم اللى تقول كانت على علاقة مع واحد من الشباب دى وهو غدر بيها واللى يقول هى تستاهل عشان تطلع تمشى على الطريق وفى الوقت داه باباها ملقاش حل غير انه يبعدها عن القرية عشان حالتها وبعد ما حكت الكلام وهى بتترعش ومنهارة قالتلى لو انت كمان صدقت الكلان اللى سمعته وعايز تسبنى معنديش مشكله وقالت انا راجعه البيت بكرا ورجعنا من يوم ما رجعت وهى رافضة اتصالاتى ومكالماتى هى اكيد شايفه الموضوع قلة ثقه منى بس هو مش كدا انا مش عارف اتصرف معاها ازاى حتى واحده صحبيتها نشرت صورة ليها هى وخطيبتى كانوا فى بيت خطيبتى لقيتها من غير الدبلة وكلام صحبيتها عن الصورة بيدل ان حابة خطيبتى صعبة بعت ليها كام رسالة شافتها من غير ما ترد باباها ومامتها دلوقتى برة مصر وهينزلوا فى شهر ١٢ واخوها ظابط فى الجيش ومش فى البيت واختها الكبيرة متجوزة فى محافظة تانية وانا بصراحه متردد من خطوة اروحلها البيت فى غياب اهلها عشان احنا لما بيكون محدش موجود فى الببت بنتقابل فى مطعم بره البيت يعنى كل صحابها دلوقتى عمالين ينشروا فى بوستات ليها على الفيس وبيدعولها عشان حالتها النفسية مدمرة وان عندها اكتئاب شديد وعرفت انها ركبت محاليل واغمى عليها امبارح وكانت هتنحجز فى المستشفى بس هى رجعت البيت واختها نزلت امبارح بليل ليها