كيف أشجع خطيبي وأجعله يتخذ قرارات مصيرية؟

السلام عليكم اتمنى اني الاقي حل لمشكلتي انا خاطبة وخطيبي شب محترم وخلوق والحمدالله الكل بمدح في وهو بحبني وما برفضلي طلب والحمدالله بس للاسف كان عندي شعور. انو ضعيف شخصية وكل ما يمر الوقت بتأكد من هالشي متلا قدامي بكون بحكي راح اعمل وراح اتصرف وبكون يحكي بكل ثقة ع اي مشكلة كانت بس وقت الجد ما بعمل شي بحجة انو ما بدو يعمل مشاكل بس انا بعرف انو بخاف .بخاف من اهلو ومن الناس اللي برا كتير حتى ما عندو ثقة بنفسو بحاول مرات انا اعطيه الثقة هاي بحاول افهمه انو انت قوي وقدها وبتعرف تتصرف وبس احسو خجلان احكيلو ليش تخجل ما لتعمل شي غلط بس للاسف مافي تحسن مرات بضيع حبو بسبب هالشي وهو بس بكون مخنوق بس ما بتصرف ما بعمل شي وانا تعبت من هالشي مش عارفة كيف اتصرف مش قادرة اتخلى عنو بنص الطريق وبنفس الوقت خايفة من المستقبل معو خايفة ما يقدر ياخدلي حقي بيوم المرأة دايما بحاجة زوج يكون سندها تحس انو هو اقوى منها بس للاسف بحس انو انا اقوى وباي مشكلة هو راح يتراجع وانا راح اوقف بوجه المدفع انصحوني شو اعمل وكيف اقوي شخصيتو واخلي يتخذ قرارات وينفذها بدون تراجع ممكن تحكو خلي يواجه مشاكل الحياة لحالو بدون ما تفرضي رايك ..فعليا انا ما بفرض رايي ولا بحكيلو شو يعمل بحاول اتشاور معو وبترجى يعطيني رايو ويعبر عن اللي جواتو مرات بمثل اني مش لاقية حل مع انو الحل موجود بس مشان يتصرف هو ..بوعدني انو يحل المشكلة بس ما ببحكيلي كيف وبمضي الوقت وما بعمل شي شو اعمل