أخذت لقب المربية لأخي والسبب في ذلك

عندي اخوي الصغير عمره ١٠سنين انا مهتمه برعايته المهم امي وابوي منفصلين وحنا ساكنين مع ابوي اخوي هذا نفسيه جداً ما يعجبه شي لا اكل ولا لبس يبي هو على كيفه يعني حنا نسوي اكلات شعبيه مثلا وكلنا ناكل الا هو ومثلا نتغدا اذا بدينا قبله بالاكل يزعل ويتقرف ولا يفطر فطور كويس يقول يع من يد الشغاله والشغاله وش حليلها نظيفه حتى اذكر مره راح البقاله وجاب له حلويات وكذا ومرت الشغاله من عند حلوياته ولمستها برجلها دون قصد مع ان الحلويات مغلفه ما انفتحت قطها وهو متقرف ما ادري وش الحل معه وفوق هذا كله ما يحب ياكل الا مع ابوي وابوي انسان عملي مو فاضي له ودوامه شفتات مره مساء مره صباح ما ادري وش الحل معه