خطيبي يستشير أخته في كل تفاصيل حياتنا، فما الحل؟

السلام عليكم ورحمة الله وبركاتة انا انسة عندى 33سنة كنت مخطوبة قبل كدة ومحصلش نصيب واتخطبت تانى لواحد اصغر منى بسنة لكنى مكنتش قابلاة اول اما شفتة لكن وافقت وأثناء الخطوبة بدا يقولى لبسك وسعية ومتحطيش كحل واتفقنا على انة يجيب شقة فى المدينة بدأ يقول منقعد فى الريف احسن ومشاكل طول الخطوبة وبعد كدة اكتشفنا أن اختة كان اللهم احفظنا ملبوسة كان معمول لها عمل وعليها جن لكن ربنا شفاها وعرفت بعد كدة أنهم معتقدين أن عندها بصيرة وبتحس باللى حيحصل وبيصدقوا كلامها لدرجة أن خطيب دة اول اما اتقدم كان مصر يجيب اختة دى معاة فى أول زيارة وكنا بنقول لة تعال لوحدك الاول وبعدين كلة يجيي لكن أصر وجابها بردوا ومكناش نعرف لية لكن بعد كدة اكتشفنا انة عشان البصيرة اللى عندها عشان تقولة العروسة دى تنفعك ولا لاة انا فى الاول قلت انا مالى ومالها اهم حاجة الشخص اللى حعيش معاة لكن اكتشفت بعد كدة انة بيستشيرها فى كل امور حياتة وحسيت أن كل اسرارى حتكون معاها لحد ما اخدنا الشقة اللى اتفقنا عليها ورحنا انا وهو واختة دى تشوفها لان اختة مكنتش شافتها ببص لقيتة بعدها باسبوع بستصل عليا ويقولى الفلوس اللى معايا خلصت لانى عملت عملية لاخويا وكدة مش حنعرف نتجوز ومش حينفع نكمل مع بعض طبعا انا انصدمت لانة تغيير فجأة بدون مقدمات واخر مرة اما كنا بنشوف الشقة كان دفع فلوس الايجار لصاحبها وكل حاجة تمام بعد كدة اكتشفت أن اختة قالتلة انا مخنوقة فى الشقة دى بلاشها وانا اتعلقت بية يمكن لو كان قالى الكلام دة فى بداية الخطوبة كنت قلتلة ماشي مفيش نصيب لكن بعد مرور 8شهور على الخطوبة حسيت بحزن شديد أن حنسيب بعض وفى نفس الوقت دخل فى قلبى الشك من موضوع اختة اللى بيسالها على كل كبيرة وصغيرة وميهموش انا ولا الشخصية اللى اخترها بالرغم من انة حفى عليا الارض عشان اوافق علية ومكنش يتخيل أن واحدة زى توافق علية لظروفة دى لانة ااقل مننا ماديا واسريا وحاليا طالب منى اعيش معاة فى الريف لانى لغى عقد الشقة اللى اخدها فى المدينة وخل بالفاتحة اللى قريناها على أن مكان السكن حيكون فى المدينة فأنا دلوقتى فى قمة الحزن والضيق لا يعلم بى الا الله وحدة مما وصلت الية فى حياتى خائفة افسخ الخطوبة عشان نظرة المجتمع ليا عشان سنى وخطوبة لتانى مرة وكمان احساسي لانى اتعلقت بية وفى نفس الوقت خائفة من اختة وسيطرتها علية وانة بيستشريها فى كل كبيرة وصغيرة وان حياتى واسراري كلها معاها وكمان دخل فى قلبى الشك خلاص من انة بيحكى كل حاجة لاختة إضافة إلى انة قالى تيجى معايا الريف وخل باتفاقتنا والفلاحة اللى قريناها ارجوكم انصح اختكم لانى تايه ومش عارفة اعمل اية ولا اتصرف ازاى اسيبة عشان اختى والشك اللى دخل قلبى ولا اكمل معاةوهل حاقدر تتعايش بعد ما اتاكدت انى بيستشريها فى كل حاجة ارجوكم ساعدونى وانصحوا اختكم نصيحة ناصح امين جزاكم الله عنا خير الجزاء