خطيبي يرغمني على العيش مع أهله وهذا الشيء لا يعجبني

السلام عليكم ورحمة الله وبركاتة انا انسة 33سنة وكنت مخطوبة قبل كدة ومحصلش ونصيب واتخطبت تانى واتفقنا فى قراية الفاتحة أن مكان السكن شقة ايجار فى المدينة انا من مدينة وهو من ارياف فهو وافق على كدة لكنة طول فترة الخطوبة بيلمح انة مش عايز ياخد شقة فى المدينة وعايز يقعد فى بيت اعلى لكن مبينفذش لحد ما جة وقالى انا خلاص مش حقعد فى المدينة بالرغم من أننا اخدنا الشقة خلاص ودفعنا كمان شهر ايجار ورجع يقول أنا حلغى العقد ومش حقعد غير فى بيت اهلى وانا طول عمرى برفض العرسان عشان حيقعدوا فى الريف بالرغم من أن ناس الريف احسن ناس لكن أنا عمرى ما عشت فى ارياف ودلوقتى انا محتارة افسخ الخطوبة لانى مش حعرف اعيش فى ارياف وكمان خل باتفاقاتة معانا وقراية الفاتحة وكدة هو ملوش كلمة ولا اكمل معاة عشان سنى وظروف خطوبتى اللى كانت قبل كدة لكنى حروح مرغمة وححس انة اجبرنى على حاجة مش عايزاها وكمان مش مصدق اى حاجة يوعدنى بيها عشان رجع فى اتفاقة معانا مش قابلة اروح ارياف وكمان بالطريقة اللى حطنى فيها دى وكمان تانى تجربة ليا وخائفة اخد خطوة فركشة الخطوبة تانى ارجوكم وجهونى للصواب لانى تائهة ومش عارفة اخد قرار افسخ الخطوبة وحتكون تانى تجربة ليا فى السن دة ولا اكمل معاة بالرغم من انة حطنى قدام الأمر الواقع وكمان مش قابلة اروح ارياف ارجوكم ساعدونى ووجهونى للاصوب وجزاكم الله عنة خير الجزاء