أخفت عني أنها مطلقة وعلقت قلبي بها فهل قرار الإنفصال كان صائباً

السلام عليكم كان عندي مسالة لو تقدروا تساعدوني برايكم انا تعرفت على بنت، وقالتلي انه في واحد صديق اخواتها متقدم لها وهي لس بتفكر، وهما غاصبين عليها في الموضوع دا - بعد تقريبا اسبوعين من كلامنا قالت انها مش حتوافق عليه ووقتها عرضت عليها اني اتقدم لها فرحبت بالموضوع - فضلنا نتكلم تقريبا شهر ونص وخلال الوقت دا انا كلمت مامتها وباباها وتعرفت عليهم وهما كمان مرحبين - وفجاة لقيتها بتقوللي انها عايزة تحكيلي على حاجة، قلتلها اتفضلي، قالتلي انها مكتوب كتابها على نفس الشخص اللي قالت انه متقدملها بس ، وبدأت تحكي ان اهلها غصبوا عليها واضطرت توافقهم على اللي عايزينه - وقالت انها من البداية مش متقبلاه ولاناوية تستمر معاه حتى من قبل ما تقابلني - المهم انا اتصدمت و قاطعتها اسبوع وبعده كلمتها وقلتلها المفروض كنتي حكيتي الموضوع دا من بداية تعارفنا، المهم انا موافق نكمل مع بعض على اساس انها قالت انها لا خرجت معاه ولا قابلته الا كام مرة في وجود الاهل. - مرت خمس شهور ورحت اتقدمت وخطبتها، بعد ما فسخت العقد والموضوع اتعرف انها اتخطبت ليا - وفجاة لقيت خطيبها الاول باعتلي رسالة بيقولي انه اللي انت خطبتها كانت متجوزة شخص قبل ما انا اكتب عليها ! - طبعا اتفجعت من الكلام وواجهتها واعترفت انها اتجوزت واحد وعاشت معاه اسبوع تقريبا ولكنه كان يضربها وكان يشرب خمر وسابته وراحت بيت اهلها، وبتقول انه اصلا مكانش مناسب والكل كان رافضه وفجاة بعد م اتقدم كذا مرة الكل وافق عليه، وبتدعي انه كان عاملهم سحر ودا السبب ان الموضوع مشي - المهم انه على كلامها انه محصلش بينهم دخول وهي مازالت بنت انا طبعا بعد ما سمعت الموضوع دا قلتلها انه خلاص مش حكمل معاكي ومفيش نصيب نكمل ما اديتها فرصة تحكي اي تفاصيل . هل انا استعجلت بقرار انفصالي عنها وانه امشي الامور حتى بعد م عرفت بجوازها الاول ولا انا على صواب