ما الحل معها تتدخل فيما لا يعنيها!!!

انا مخطوبة وكتبنا الكتاب وفرحنا قريب ان شاء الله هو اصغر واحد فى اخواته عنده اتنين توأم ولد وبنت اكبر منه بحوالى ١٢ سنه وعنده بنت عم من نفس سنه هى اتربت معاه لان والدها اتوفى وهى عندها ٣ سنين ومامتها اتجوزت وسابتها تتربى مع حمايا هما قريبين من بعض المشكله انها بتدخل فى حاجات متخصهاش وانا مبحبش حد يدخل كدا فى حياتى هحكى موفقين بس من إجمالى ملايين المواقف اول موقف انا كنت مسافر لاخويا الولايات المتحده عشان مراته ولدت وحالتها مش كويسه ولوحدها هناك هى بتكون بنت خالى كمان كان فاضل ترتيبات بسيطه فى بيتنا كلمت خطيبى وفهمته هيعمل ايه فى اللي ناقص فى البيت وسافرت اسبوعين بس ونزلت كان الصدمه ان لقيتها مغيره كل حاجات فى البيت ادايقت اوى اوى انا مخلتش مخلوق يدخل فى اى حاجة فى البيت وهى فى لحظة تغير كل داه عشان جوزى كان مشغول وقالها على الحاجات اللي ناقصه وهى اتصرفت كدا من نفسها هو فهم ان ادايقت ورضانى وقالى هنغير كل حاجة زى ما تحبى قولتله مش فيه وقت عشان ارجع كل حاجة تانى قالى عندك حق فعلا وبلاش تغيرى كل حاجة كدا عشان هتبقى احرجتيها وكسرتى نفسها هى عملت كدا بعشم عديت الموقف وفعلا مغيرتش حاجة فى البيت خالص الموقف التانى انا مبحبش الدقن ولا الشنب مبعرفش حتى لما يكون اخويا مربى داقنه اسلم عليه او ابوسه خطيبى الايام دى دقنه مربيها حاجة بسيطه وعننده شنب كنا ينتكلم عادى فقولتله بلاش دقنك دى خالص انا مبحبهاش قالى متقلقيش هحلقها قبل الفرح ضحكنا والكلام بقى لطيف اتفأجات بيه نشرلها بوست على الفيس بيقولها هنفضل متخصامين كتير وعامل ليها منشن ردت عليه فى التعليقات وقالتله انا قولتلك تحلق دقنك عشان بحب شكلك بالشنب ومفيش فرح من غير الشنب ادايقت جدا عشان كام بنت بعتتلى اسكرينه للكلام داه وانا اتعاملت اكن الموضوع عادى بعدها قابلتها وانا هناك اتعمدت افتح موضوع دقنه وشنبه لقيتها بتتكلم بحرقة دم وتقولى انا مش بحب شكله غير بالشنب انا ادايقت اوى وهو قالى متزعليش منها هى بتتعامل بعفوية مش اكتر بس انا مبحبش كدا بجد بقيت مخنوقه انا غيورة جدا ومش من السهل ان اتحمل داه كله وافضل ساكته انا حاسه ان هيجى فى لحظة وانفجر فيها وكمان حتى لو مكنتش غيورة مفيش واحده تقبل باللي بيحصل داه