خطيبتي مادية جداً وتصرفاتها الغريبة تثير شكوكي

السلام عليكم أنا شخص اعمل بالخارج عمرى ٣١ سنة خطبت بنت عمرها ٢٢ سنة (جواز صالونات ) زي ما الناس بتقول نزلت اجازة وخطبتها وسافرت كنت بحاول اتقرب ليها في أول الخطوبة بالكلام والهدايا بس لاحظت شوي حاجات غريبة يعني كانت بتقولي انا مش عايز اقرب منك لحد مانتجوز تفصل تليفونها ساعات لما احاول اتقرب منها وتقوليلي انا افتكرت حاجات دايقتني لحد ما جت في مرة وقالتلي أنه في واحد قريبها كان عايز يتقدملها ومحصلش نصيب وهي اتاثرت من الموضوع ده قولتلها وارد ان ده يحصل لاي بنت بس قالتلي انها كانت بتكلمه مجرد كلام علي الفيسبوك بس يسلم عليها زي اي اتنين قرايب ومحصلش اكتر من كده بس مع الوقت برضو الحاجات دي فضلت تتكرر وكانت بتنزل حاجات علي الفيسبوك عن الفراق بحسها أنه الشخص ده اللي كان عايز يتقدملها عايزاه يشوفها سألتها اقسمت انها حاجات عادية ومتقصدش بيها حاجة وحصلت حاجات كتير تدايق يعني كانت لما اتدايق تيجي تقولي انت حبيبي ولما نبقي كويسين مع بعض تقولي انا مكنتش عايزه اقول كده ومفيش حاجه بس انا منسيتش الموضوع ده من التصرفات الغريبة اللي كانت بتعملها سألتها تاني قالتلي أنه الموضوع ده استمر حوالي ٣ سنين وأنه حاول يتقدملها مرتين واترفض لأنه لسه بيدرس انا الموضوع ده مدايقني جدا غير اني مابحسهاش صريحة غير طلباتها المادية الزيادة عن الطبيعي زي تطلب مني اني ابيع حتة ارض عندنا علشان اجيبلها شقة (طبعا رفضت) والهدايا اللي ما بتخلصش علي اساس اني مسئول عنها وعلي العكس برضو هي طلبت تقديم الفرح ولما بزعل بتحاول تصالحني . انا بحس اني عايز اسيبها لأنها عملت حاجات كتير تدايق بس في نفس الوقت انا حاسس اني غلطان لاني اتعديت معاها جدا في الكلام عن الأمور الزوجيه (الأمور الخاصة ) خاصة أنها من عيلة واحد صاحبي بس هي ما كنتش بترفض ان احنا نتكلم عن المواضيع دي بالعكس بتقولي انا مش متدايقة وبحسها ساعات بتفتح معايا الكلام انا قلقان من بعد الجواز ايه اللي هيحصل وخايف المواضيع والحاجات اللي بتدايق تتكرر تاني ومش عارف اعمل ايه اسيبها وفاضل علي فرحنا مدة قليلة ولا استني واشوف ايه اللي هيحصل يعني مش عارف اعمل ايه الصراحه اسف على الإطالة .