كرهي لهذه الطفلة ولأهلها كبير، ما الحل ؟

يعطيكم العافية مشكلتي غريبة شوي..لا هي خيانة ولا شي من هالموضوع مشكلتي مع طفله عمرها 4 سنين بالبداية اعرفكم بوضعي تزوجت من 5 سنين وبنت حماي تزوجت بعدي بشهر..هي ربنا اكرمها بالحمل بعد زواجها ب3 شهور وانا ربنا ما ارادلي..مع العلم هي انجبتها وهي عمرها 20 سنة وانا وقتها كان عمري 16 ونص..المهم زوجها شغل همالة وبسكر وهي كانت عنا بنفس البيت مع العلم زوجي وحيد اهله من الذكور..و مع ذلك كان يصرف عليها وع زوجها حتى حماي بيصرف عليهم..طيبة قلب قالبة على غباء..وهو استغلالي ما كان يستحي..المهم خلفت بنت حماي وجابت بنت ما بنكر الكل حبها وانا كمان كذلك..لكن للاسف هي تربت ترباية بتخزي صراحة..صار عمرها سنتين والكفر على لسانها..غير الالفاظ السوقية المنحطة..وما حدا بيمنعها لانهم بحبوها ..هسا صار عمرها 4 سنين وعندها اخ وامها بدها تخلف الثالث..انا الحمد لله ربنا اكرمني وعمر ابني 6 شهور..بس انا ما بحس انو دار حماي بحبو ابني مثلها..بحسها اشي مقدس..كلشي كانو يجيبولها مع انو ابوها موجود اما ابني لا..هي من ولادتها كلشي جديد بس ابني كلو مستعمل..مع العلم انو راتب زوجي لاهله..ومع العلم انو ذهبي انباع لاجل زوج بنت حماي مع انو ما بيستاهل بس وقتها كنت صغيرة وجاهلة..دار حماي كثير مناح معي بالتعامل بس ما بعرف انا كل ما اشوف هالبنت بتعقد هي ماخذة حق ابني..يعني ابني هو الاولى منهم هم رحلو من عنا بس هالبنت..حماي ما قبل تروح مع اهلها..انا مش قادرة احبها او احب اهلها..مع العلم هي بتيجي تضرب ابني مع انهم فرق كبير بالعمر من الغيرة وباخذ ابني بس ما بضربها ..الكل بهيج انهم صغار واتركيهم مع انهم مش قد بعض ابني انا مو جايبيتو من الشارع ربنا يشهد علي انو 4 سنين حرمان من الخلفة ولما اجا ..كنت حامل بالشهر السابع ونزفت وبقيت بالمستشفى شهرين كاملات ..وولدوني بعملية وحكولي احتمال استئصال رحم والحمد لله ما صار اسفة ع الاطالة بس اشيرو علي شو اعمل لحتى اقدر اتقبلها واخفف هالكره عليها وعلى اهلها مع العلم هي ما بتحترم حدا وانا بموت من الي بسب علي..وشكرا