خائفة أن تنقطع علاقتي بزوج أختي بعد رفضي للزواج منه، ما الحل؟

انا مهندسة عندى اخ اصغر منى واخت متوفيه كانت اكبر منى علاقتى باخواتى قوية جدا واختى كنت بعشقها كنا متفاهمين جدا علاقتى بيها مكنتش مقتصرة على الاخوه لا دى كانت صاحبتى المقربة كانت امى وبنتى وحياتى كلها اتجوزت من واحد كانت بتحبه وهو بيعشقها وعلاقتى بجوز اختى كانت قوية كان اخ كبير ليا وبعدين اختى خلفت ولد وحملت فى بنت وهى بتولد البنت اتوفت كانت صدمة كبير على الكل جوزها كان سافر قبل ما تولد بكام يوم وملحقش يشوفها سابت ابنها عنده سنتين وطفله مكملتش يوم كنت انا فى اولى جامعه ساعتها اتوليت تربيتهم بكامل رغبتى وبإصرارى ان محدش هيربى ولاد اختى غيرى اتوطت علاقتى بجوز اختى اقوى من الاول بكتير وبإستمرار بنتقابل وبنتكلم والأطفال على طول معانا احنا الاتنين والدته راحت لماما وبابا اتقدمت ليا بدون علمه انا رفضت مقدرتش ان فى يوم اخد مكان اختى فى جوزها هو اتصدم بصراحه وصدمته دى خلتنى اتردد مش عارفه اذا كان بيحبنى ولا لا وعن نفسى انا مش قادرة اتخيل فى يوم من الايام ان اتجوز او نعيش قصه حب انا وهو هو انا بحبه بصراحه بس حب عشان جوز اختى هو لسه قاعد فى الشقه الزوجيه بتاعته هو واختى هو لسه بيعشق اختى انا بطمن عليه بإستمرار وعلى طول من غير ما يطلب بروح البيت واطبخله لو مكلش عند مامته وبنروح سوا انا وهو والاولاد نشترى هدوم للأطفال وليه كمان هو كلمنى امبارح وكان باين عليه منزعج عشان شافنى بتكلم مع مهندس زميلى فى الشغل واتعصب عليا امبارح وقالى فى بينكوا حاجة عشان كدا رفضتينى قولتله مفيش حاجة وفعلا مفيش حاجة بينى انا واى حد بصراحه شاكه ان هو بيكدب فى نقطة انه مكنش يعرف ان والدته هتطلب ايدى ومثل انه مصدوم عشان رفضت ومش عايز علاقتنا تنقطع