ماذا افعل لكي امنع أهل خطيبي بالتدخل بحياتي؟

Question

عندي استشارة ضروري انا دكتورة وعمري 25سنة اتخطبت من شهرين لدكتور أكبر من بسنة واحدة ملتزم وخلوق جدا وبيحافظ ع الصلاة طموح و مهتم جدا بدراسته وبيحضر دراسات عليا وعاوز يسافر الفكرة انه ساكن في قرية في بيت عيلة مع والدته وأخوه الأكبر متزوج في نفس البيت وهو الصغير و والده متوفى وله 3 أخوات بنات متزوجات تقريبا مدخلش بيتنا لوحده لما جه بيتنا أول مرة كان معاه والدته وأخته الكبيرة متزوجة ومعندهاش أولاد وتاني مرة جه جاب معاه أخته التانية وبعد الخطوبة جه كنا هنتفق على حاجات في العفش ونشوف صور أصر أنه يجيب أخته الكبيرة أكبر منه ب 15 سنة بحكم أنها لسه موضبة شقتها وتفهم في الأمور دي اكتر منه أنا معترضتش وقولت تمام يوم الخطوبة قالي انه بيحب والدته جدا ومبيقدرش يسيبها لولا شغله ودراسته و أنه ابقي انزل اقعد مع والدته في شقتها ف الوقت اللي هيسافر فيه لشغله في القاهرة ولو سافر خارج مصر أنا قولتله مبحبش الخلطة الزائدة م البداية والمعاملة هتبقي طيبة ما بيننا وإني هقضي الوقت اللي هو مش موجود فيه جزء عند أهلي وجزء في بيته غير كده حاسة ان اغلب وقته مش هيبقى معايا وفي تجهيزات الشقة اخته الكبيرة متجوزة من عشر سنين ووالدته هما اللي بيختارو معايا قولتله عاوزة يبقى في مشاركة ما بيننا قالي أنا بذاكر الأيام دي والحاجات دي بتشتتني اتواصلي مع اختي واللي تختاروه هيبقى كويس هي بصراحة بتسالني وتقولي اللي انتي عاوزاه ولكن هو مبيتواصلش معايا كتير بحكم ضوابط الخطوبة و والدته من النوع المتحكم شوية يعني كان بابا قالهم ينقلوا مكان حاجة في الشقة عشان توسع شوية قالي أنا هشوفها وبعدين رجع تاني يوم قالي اصل مش هينفع وكده يبقى افضل وده كان راي والدتي بردو بابا قالي مش مشكلة لأنه هيبقى صعب شوية تنفيذ الأمر ده وكمان في الخطوبة لما اشترولي فستان بتقول ده ينفع للحنة كمان واهلي تساهلوا معاهم جدا في الاتفاق وشالوا اكتر من العادي أنا تعبانة جدا عشان لما بشتكي لوالدتي بتتضايق وبحس اني بشيلها هم فوق همها لاني فسخت خطوبتي من فترة كانت مادياتهم أعلى بس الفكر مكنش في اتفاق كانوا بيحسسوني اني أقل منهم دول مادياتهم أقل ولكن كويسة بس عندهم حرص شوية ومش عارفة اعمل ايه وخايفة أكمل لأني مش عاوزة بيت العيلة وقولت لأهلي نتكلم معاهم فيه مرضيوش قالولي هو ملوش غير أمه وأخوه حاسة اني فكري بقى مسيطر عليه اني محدش يتدخل في حياتي بطريقة ممكن اكون فاهماها غلط اعمل ايه عشان اتطمن

الدكتورة سناء مصطفى عبده · Accepted Answer

اهلا بك يا ابنتي ولولا عدم راحتك لما ارسلت لنا هذه الرسالة وما خاب من استشار رغم جودة الخطيب وانه تارك الأمر على راحتك الا انه يجب ان تفهمي ان امه ارملة وليس لها سوى ولديها ويعني لها دور كبير في حياته وهذا حق وشرع الله وستجربين الامومة وستعرفين معناها بعد حين حاولي ان لا تضغطي على الأمور المادية لأنها امور زائلة ومتغيرة وبكرة انت بتشتغلي وبتعملي الي انت عايزاه والدكتور مش بيقصر معاك ولو امه قالت احتاطي او شي من هذا القبيل ما تهمليش هم المهم تقدري توصلي لمرحلة ان حياتكم الخاصة لكم انتم وان عليه التمييز بين بر الوالدة وحق الزوجة تحدثي اليه ان شعرت انه فاهم الامر تحدثي لحماتك بطريقة غير مباشرة ونبهي على بعض الامور وان استجابت وقالت يا ابنتي هي حياتك وربي يسعدكم لا باس وان طلعت لك بالصوت العالي وانت بدك تخربي بيت ابنتي وتبعديه عني اعتذري وانسحبي يا ابنتي لا زلت صغيرة ومقوماتك ممتازة ولا تخافي لو انخطبت الف مرة الخطوبة لحصول الوفاق ولا عيب في الانسحاب ان لم يحصل ولكن كوني ذكية وكبري عقلك وربي يوفقك

من مجهول · Answer

بدلا من الدخول في مشاكل عديدة اتركي هذا الشاب لأن ما تعانين منه سيظل شبحا يطاردك مدى الحياة الزوجية بينكم

من مجهول · Answer

أنا من رأي الشخصي أن تتركي هذا الشاب أفضل من أن تعاني فيما بعد الزواج وستنقلب حياتك رأسا على عقب

من مجهول · Answer

العلاقة ظاهرة من البدايه يبقى ليه تخدعى نفسك انتى بالبلدى هتبقى خدامة والدته و ده اللى قاله لكن بأسلوب تانى اصل يعنى ايه تقعدى عندها لما يكون مسافر هتقعدى ضيفة مثلا لا طبعا هتقعدى تشيلى البيت كله على دماغك خدامة بلقمتها و لا هتفرحى و لا هتتهنى بحياتك قعدة الخزانه و لا جوازة الندامة خطيبك بدون راى و لا شخصية مع اهله اقعدى فى بيت اهلك بكرامتك تخدمى اهلك احسن من خدمة الغريب اللى مش هيطمر اصلا و لو على كلام والدتك و زعلها ابقى راضيها و طنشى تزلعى من والدتك احسن ما الغريب يزعلك بعد ما يمسح بكرامتك الأرض يا بنتى و بعد كده خدى وقتك بالكامل لما يجيلك عريس و بلاش تسرع فى الأختيار

من مجهول · Answer

يا صديقتي اذا كان خطيبك يحبك ويفعل أشياء كثيرة لإرضاءك إذا فهو يستحق أن تضحي وتتحملي من أجله

من مجهول · Answer

العديد من النساء المتزوجات يعانن من تدخل الحموات في حياتهن الشخصية والذي يسبب بنسبة كبيرة المشاكل الزوجية التي تنتهي برغبة ام الزوح

من مجهول · Answer

للأسف كانت حماتي نفس الشيئ وتدخل في كل صغيرة وكبيرة ولكن تهوري في حب خطيبي اعماني عن تلك الأزمات التي لم اقدر خطورتها الا بعد الزواج والأن انفصلت بعد زواج دام عام ونصف فلا تكرري مأساتي

من مجهول · Answer

يا أختي الكريمة حاولي أن تخبري زوجك بأنك طريقته في التعامل في خصوصيات التي تربط بينكم وتدخل والدته يزعجك ويوتر علاقتكما

من مجهول · Answer

من الضروري أن تفكري جيدا في مثل هذه العلاقة التي انكشفت منذ البداية حتى اتضح ان خطيبك ينصت لكل كلمة وطلب من والدته وهذا سوف يؤثر على حياتك الزوجية فيما بعد

ماذا افعل لكي امنع أهل خطيبي بالتدخل بحياتي؟

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

مقالات ذات صلة

كيف أتأكد من حب خطيبي لي؟ علامات الحب في الخطوبة

رؤية أهل طليقي في المنام والحلم بأهل الزوج السابق

تفسير الخطيب في المنام ورؤية أهل خطيبي في الحلم

لم أعد أحب خطيبي! التعامل مع تقلب المشاعر في الخطوبة

حل مشكلة تدخل الأهل بين الزوجين ووضع حدود لأهل الزوج والزوجة

خطيبي يضربني! أسباب العنف في مرحلة الخطوبة وآثاره

اختبارات ذات صلة

اختبار الاكتئاب للمراهقين لكشف الحالة النفسية

أسئلة ذات صلة

مقالات ذات صلة

احدث مقالات قضايا اجتماعية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة قضايا اجتماعية

اسئلة من بلدك

احجز استشارة اونلاين

شارك في اخر الاختبارات

اختبار الشخصية التجنبية: هل أنت شخص انهزامي!

اختبار نوع الغيرة: اكتشف غيرتك من أي نوع!