تعبت من وجود حماتي في بيتي كيف أخبر زوجي بدون مضايقته؟

مرحبا انا متزوجه من ما يقارب سنه و عانيت فيها كتير ليس من زوجي بالعكس لا يمكن ان أجد أفضل منه بل من امه. امه تسكن معنا مع انه ليس ابنها البكر. من اول زواجي بدات تتدخل بحياتنا و كل شي بالبيت بيعلمو فيه كل بناتها من اصغر الاشياء لاكبرها و تنتقدني كثير على كل شي و اكثر من مره اتعب بحكم حملي و تتجاهل الموضوع كانها لم تراني و عند ترويحه زوجي تبين حالها مهتمه. تغيب عن البيت ببيوت باقي اولادها بحكم ساكنين بنفس العمارة و قبل ما يروح بقليل ترجع و تركض لما ييجي تفتح الباب كانها بتنافسني صار نفسي استقبل زوجي زي ما بدي و اكون كما يقال ملكه ببيتي البس ما بدي اطبخ ما بدي اعمل ما بدي. تغار لدرجه اذا حطيت مكياج الاقيها حطت كحل و تزبطت!! للعلم زوجها متوفي و هي كبيرة بالعمر مو صغيرة تقريبا 75 سنه بس صحتها ممتازة فمو مبين عليها العمر. حاولت اخبر زوجي بس ما عرفت كيف . خلص مو متقبله وجودها ببيتي و تدخلها فيني و فوق هاد من جديد صارت تاخد اشيائي الخاصه. بدي اخبر زوجي يلاقي حل بس ما بدي ازعله او اوجعله راسه خاصه من ضغط العمل عليه هالفتره و هو طيب جدا فمستحيل يراجعها بشي. هي ما عندها اي نيه تطلع من عنا مع انه البيت لزوجي مو بيتها و هي عندها بيت خاص فيها اجرته و عاشت معنا و مصاري الاجار دايما مختفيه و كل شي بدها اياه منا لحالنا و ولا واحد من الشباب بدفع مع انها مرات بتعمل فحوصات ما الها داعي و بتكلفنا مبالغ بس زوجي ما بقدر يحكيلها لا لانها بتبلش تحكي و تزعل و تدعي على حالها. و بتضلها تكذب بكثير من الشغلات حتى ع شغلات تافهة و عندها شوفه حال مو طبيعيه و عندها هي فوق الكل و عندها استعداد تعمل يلي بدها اياه حتى لو هالشي باذيني مثلا الشغلات يلي بتحسس منها بتتعمد تعملها تعبت و مو لاقيه وظيفه للوقت الحالي و قد ما حاولت اشغل حالي عنها مو قادرة طول اليوم يعني. جربت اسايرها و جربت اطنش اذاها و جربت اجاوب ع كل شي و جربت اضل طول اليوم بغرفتي و ما احكي معها و جربت اصارحها ليش بتعملي هيك و ولا حل جاب نتيجه. تعبت من وجودها معي حموت ديقه و قهر و نفسي تطلع من عندي بس ما بعرف كيف او نفسي انها تتغير معي او نفسي اقدر اوصل لزوجي يلي بصير بطريقه ما تزعله مشان هو يلاقي حل. ساعدوني