بالرغم من أخلاقي وجمالي إلا أني أبقى مطلقة بنظر الجميع

شابه على خلق ودين وعلى قدر من الجمال دخلت الجامعه وبدأ يتهافت عليا الخطاب ولكن القدر وضع في طريقي عمي اللى كان عايزني لابنه بالغصب ولما رفضت منع عني كل الخطاب وعلشان إحنا صعايده فابن العم هو الاولى حتي إن لم يكن مناسب واستمر اربع سنين الجامعه في صراعات ومشاكل اي حد يفكر أنه يتقدملى يروحله لغايه البيت ويتخانق معاه ويقولو ابعد احسن لك ويجي يضربنا في البيت انا وامي علشان رافضين ناخد ابنه المش متعلم وأنا اللى متقدملى فرص تتمناها اى واحده وفي الآخر بعد مشاكل وتعب اربع سنين استسلم وأنا قلت اخرج من العذاب ده بأي جوازه وفعلا اخدت واحد تاني غير ابنه بس بعد ما ضيع عليا الفرص الأحسن واتجوزت من الشخص ده واعطيته كل المشاعر والاهتمام وكنت بتمني تكون حياه سعيده لكن الشخص ده شفت معاه معناه حقيقه بمعني الكلمه كان حبه ليا مرضي متسلط عصبي جدا طول الوقت ينتقد ويشتم ومبيقبلش ولا بيعدي الغلطه وبيغير بطريقه تخنق مبخرجش ابدا حتي عند اهلى وقرايبي إلا في اضيق الحدود والمصيبه الاكبر اخته المطلقه في البيت شفت منها جبروت وغيره وزل لا انساه مدي حياتي واتحدتني يااانا ياهي في البيت حاولت اجي على نفسي واتحمل علشان مطلقش ودمرت نفسيا وتعبت كنت بترعب انزل من شقتي وافضل افكر ياتري النهارده هتتخانق معايا على ايه كنت بنزل على السلم اترعش بمعني الكلمه ودون أي مبالغه والله ربي اعلم بالظلم اللى شفته وجوزي كان سلبي جدا ويقولى وأنا هعملك ايه استحملى وكان بيرفض حتي انه يسمعني وأنا كنت بخاف آخد اي موقف حفاظا علي شعوره علشان كان بيرمي اي حاجه على الخلفه هو كان عنده مشكله أول ما ازعل واقول خلاص مش مستحمله يقولى انتي بتتلككي علشان تسيبيني كنت اتعاطف معاه واقوله خلاص أنا هستحمل متزعلش بس اتعبت وطفح بيا الكيل وطلبت الطلاق بعد سنين من التضحيه دون اي تقدير او تغييير وبالفعل اتطلقت ودخلت دايره معناه تانيه اسمها المطلقه فكل الاسباب اللى زكرتها في الأول عن اخلاقي وديني وجمالى الطلاق نزل من قيمتها وقدرها بس أنا فعلا والحمد لله بيتقدملى ناس كتييير بس غيير مناسبين بالمره وبقيت خايفه أكرر تجربه غلط وفي نفس الوقت لازم يبقي في شئ من التنازل أنا دلوقتي بقي عندي ٢٨سنه ومطلقه من سنتين يعني لازم آخد قرار بس المشكله إن فعلا مبقيتش بقتنع بسهوله دماغي اصبحت انضج بكتييير ومقرره يااختيار صح وجوازه تبقي انجح يا اما بلاش بس فعلا محتاجه ابقي ام نفسي اعمل حياه ناجحه وخصوصا إن في حياتي فرااااااغ كبييير لا زوج ولا اولاد ولا حتي شغل