زوجتي صارحتني بما يضايقها واعترفت لي بأمور جعلتني أتغير

السلام عليكم كل اللي انا هحكيه باختصار شديد عندي 33سنه مراتي 30سنه وكل اللي انا هقوله ده انا مكنتش اعرف عنه حاجه الا من اسبوع هيا اللي صارحتني في حاجه جواها قلتلها قليلو وهوه هيسامحك انا وهيا حبينا بعض 6سنين و4سنين خطوبه و5سنين جواز يعني تقريبا نص العمر ده غير انها كانت بتحبني من الطفوله بينها وبين نفسها اللي هقولو ده انا مكنتش اعرف انو موجود فيها لانها حاجه بينها وبين نفسها عرفتها لما صارحتني اللي هيا دائما بتعاني من عدم ثقه في نفسها مع انها حلوه شكلا بس قصيره شويه مش حابه قصرها مش حابه جسمها لاكن شكلها عادي كانت حباه ودائما كانت تري نفسها قليله عليه من كلا م البنات معاها عليا من كلام الحريم عليا وحده تقولها جوزك جميل وشيك بنت تقولها جوزك احسن منك وانا من ناحيه معرفش اي حاجه والصدفه اكون بقلها الطرحه مش مظبوطه ليه اكون مدايق شويه في المحل هيا بتنزل المحل ليا طبيعي ممكن ادايق عليها ازعلها ظروف في الشغل وانا طبيعتي عصبي شويه فكانت الدنيا بضلم في وشها مع العلم اني كل حياتها وبتحبني اوي وبتموت فيا في وسط الاحداث دي والظروف دي ولد عندها 17سنه عاشت الحوار ده بينها وبين نفسها فقط بدون كلمه وحده ليه كانت رايحه للدكتور وهيا طالعه علي السلم عنيها جت في عنيه انبهرت بجماله عادي زي اي وحده لما بتشوف واحد حلو وبتقول حلو بينها وبين نفسها وخلاص وكانت لما بتنزل المحل هيا من طبعها اي حد يحسسها بجمالها كانت بتفرح من جواها بيعوضها النقص اللي موجود فيها جه الولد علي المحل وبدأت تحس احساس انه مهتم بيها وبيحسسها بالحته دي فكانت بتفرح وواحد حلو كمان وصغير يعني بيشيل عنها اي نقص موجود كانت دايما لما الصدف تتجمع انا من ناحيه زعل ونكد والناس من ناحيه يحسسوها بعدم الثقه كانت بتتمني تقابلو وهيا ماشيه عشان تفرح كلها مجرد احساس هيا حساه منه من غير ولا كلمه وفي نفس الوقت بتحبني وبتموت فيا ولما بكون معاها رايقين بتنسي الدنيا وما فيها الحوار ده فضل بينها وبينو سنتين مجرد احساس هيا بتحسو بتفرح بيه مش اكتر انما مكنتش تنزل مخصوص عشان تشوفه او بيوحشها او نفسها تحضنه او تبوسه كل ده مكنتش بتحس بيه الا اول لما تنزل الشارع بتبقي نفسها يقابلها تحس الاحساس اللي كالعاده ومرت الايام وفي يوم جالها في الحلم بيبوسو بعض وقامت من الحلم مدايقه اوي وزعلانه وفضلت تحضن فيا وتبوس فيا وبدأت افكارها تتشتت وتقول هوه ايه اللي انا فيه ده خافت ليكون حب وتقول بينها وبين نفسها اذاي هوه ممكن حد يحب اتنين وترجع بينها وبين نفسها تقول انا بحب زوجي ومبحبش حد غير زوجي وافكارها اتشتت المهم ان هيا متغيرتش معايا نهائي وفضلت معايا زي ماحنا المهم بعد الحلم كل لما تشوفه بدأت تتخض وقلبها يترمي في رجليها من الخضه وتحط عنيها في الارض ومبقتش عاوزه تشوفو ولا تقابلو وباقت تدايق جدا. لان بعد كده الموضوع بقي معاها خضه كل لما تشوفو وتاني يوم تحلم بيه بس احلام عاديه واحيانا كنت انا ببقي موجود معاه في الحلم فوصلت لحاله ان هيا وهمت نفسها بانه هوه كمان الولد بيحلم بيها واللي بيحصل معاها اكيد بيحصل معاه لان هيا مش عارفه هوه ايه اللي هيا فيه وكانت دايما حاسه ان هوه كمان بيحصل معاه نفس اللي بيحصل معاها من نحيتو لان مراتي عندها موضوع القرين وكده فكانت مفكره من ضمن الاوهام انه هوه عنده حاجه هيا اللي عامله القصه دي المهم في الاخر مبقتش نفسها تشوفو ولا عاوزه تقابلو ولما صارحتني انا عشان متأكد جدا ان هيا بتحبني سمحتها وحاجات كانت غايبه عني انا هكملهالها كويس اني عرفتها الحمدالله انا بس اللي طالبو رجاءا تفسير لما حدث وما هذا هل هو حب ولا ايه انا برضو نفسي اعرف لاني مشتت رجاءالاهتمام والرد