بعد وفاة والدي اكتشفت أنه السبب في ما نمر به الآن

بعد وفاة والدي اكتشفت أن امي لم تعرف كيف تتعامل مع ابي والنتائج كاعد نحصدها الان دائما اسمع يكولون اذكروا محاسن موتاكم تاكدوا أني كنت احترم بابا حبيبي وكلش متعلقة بيه وللآن ما مستوعبه وفاته الحمدالله ربي ع ما قضيت الله يعطينا الصبر واني جاي اذكر مشاكل جاي نمر بيهه بابا كان من النوع سي سيد رغم أخطائه فاقل شي يصير أجي اكل لامي ليش امي تكلي مو بايدي بيد ابوج وتذب اللوم عليه صحيح هو خطا بس لازم تعرف شلون تتعامل وياه وأي إنسان بالدنيا اله مفتاح وطريقه تعامل لكن امي أخذت الحل السهل وكالت انه معليه من كان أبوي طيب ما اعرف شجاوبهه يعني معقوله امي محاولت تغير طريقتها وي بابا تخلي يغير أسلوبه والله ما اعرف انه ما اريد اجرح امي واحجي وياهه بهذا الموضوع وأكبر مشكلة انو بابا كان يهمه الشهادة وكان يريدنا نوصل لاعلى المراكز فاخوي الكبير للأسف شخصيته دمرت كان يغلط عليه كدام الناس ويسبه وحتى بالبيت وكانت عليه كل المسؤولية بالبيت جيب حط وأبداً ما يتكلم ولا ينطي مجال يعبر عن رأيه واغلب الوكت يحجي عليه انه اعرف بابا هوه عصبي ويحب اخوي ماكو أهل ما يحبون ذريتهم بس المشكلة بالطريقة والنصيحة والحجاية الحلوة بابا كان يعبر عن حبه النه بقسوة يعتقد علمود يصير اخوي رجال بقسوته مو بالكلام اللين واعتقد طريقه بابا خطا من كل النواحي اللهم الا اذا اكتشف اخوي انو هل الشي لان بابا يحبه بس هم مراح يخلص الناس ومعارفنا مراح يحترموه وبنفس الوكت اخوي الصغير بابا سوه العكس انطى كل الدعم اله وكان يمدح بيه وهوه ما مسوي شي تصوروا خطيه اخوي الكبير يتعب اذا سوه شي معين بس غلط أو ما سواه مضبوط كبل بابا قارن وكال هاي لو اخوك ومدح باخري الصغير وهوه كله ساكت اعتقد بابا كان ينتظر من اخوي الصغير يحقق له اماله ويجيب التحصيل الي يرفع رأسه بس كان نفس الشي طلع معهد وكله دور ثاني بابا الاهل من حقهم ذريتهم يرفعون رأسهم بس لازم ما ينسون انو يوفرون كلشي الهم وبعد لا ينسون انو كل واحد ومستواه وميصير نقارن بينهم وما نخلي الشهادة هي كلشي ابني ما وصل انه اعاديه واعتبره مو ابني للأسف بابا كان هواي يحجيهه ويكل لامي هذا مو ابني بابا غلط وكان دائما يباوع للناس وأصدقاءه يكول شوف جهالهم وين وصلو وانه وين احس يشعر بالنقص وهوه مسوي لنفسه تصوروا وره وفاه والدي بمده مو طويله تعاركو اخواني وامي ما أكلكم سوده عليه وانه منصدمه ما اعرف شسوي كنت انتبه لأخوي الكبير من يتعارك وي بابا بينه وبين نفسه يغلط وأصور يكره بابا هوه واخوي الصغير واخوي الصغير خذه كل تصرفات بابا شلون كان يعامل اخوي الكبير هسه هوه يعامل اخوي الكبير وكسول ولسانه ما أكلكم متبري منه وما يعرف يسيطر ع عصبيته اخر مرة والله ضربني انه واخوي الكبير كنه نتشاقه فهو فاتح سبيكر ويلعب بوبجي فاجه ضربنه لان طلعت اصواتنه شلون سبب تافه وأبد مراح اعتذر ويكول تستاهلون انه سامحته بس احس اخوي الكبير للأسف يحقد وبس يزوج يطلع بحده يعزل انه ما اكدر احجي من كان بابا عايش اعرف بابا راح يكلي امج ما تحجي انتي تحجين وانه ما اعرف جاي تعلميني ويرجع علي المحاوله بالسلب وهسه اكيد ما يخلوني اخواني احجي وانه اشوف الغلط وما اكدر اسوي شي برأيكم اكو مجال اصلح شي