هل إصابتي بمرض السرطان عقاب من الله؟ (2)

السلام عليكم ورحمه الله انا فتاه قدر لها عدم الانجاب انا صاحبه سؤال هل السرطان عقاب من ربنا كيف لى ان اجد الشخص المناسب للزواج حيث انى منغلقه وليس لى علاقات كثير وربما يكون هذا سبب تاخري فى الزواج وانا اﻵن لدى رغبه شديده فى الاقتران برجل انا اشعر بالوحده الشديده ربما تصفونى بالجرأه لكنى بشر احتاج لذلك تعبت من ذلك الشعور الحرمان . نفسي صعبانه عليه اوي عارفه ان ربنا كتب عليا ده بس انا مش قادره حاله حزن وبكاء انا بصلى الحمد لله وبدعو ربنا بس مش قادره هل لو اعجبت بشخص المح له ولا دى جرأه هيعتبرنى غير مهذبه ولو الشخص ده عرف بظروفى هل هيقدرها ولو كان متزوج انا عارفه انى كل اللى بقوله غلط ومش من حقى بس انا حقيقى تعبانه كان فى شخص تقدم لى زمان وانا رفضته لانى كنت عايزة اكمل دراستى ومش مستعده للزواج بعد كده كان بيسال عليا وبعدين اتزوج من فتره كبيرة وانجب ولاقيته بعت لى طلب صداقة ع الفيس هو واخته بس مش رديت عليهم الاتنين لانى شايفه انه خلاص ما ينفعش يبقى في صداقه بينا اصلا . هل هو كان لديه رغبه فى الارتباط وانا كده صديته. انا حتى لو رضيت ابقى زوجه تانيه هبقى ضعيفه لانى ليس عندي اولاد وهو اكيد بيحب ولاده بس انا محتاجه لزوج انا حاسه انى ضعيفه وهشه وليس مرغوب في مع العلم انى مش وحشه وطيبه ومؤدبه بس حاسه نفسي اتغيرت مش ده تفكيرى خالص بس غصب عنى كمان المرض غيرنى واصبت بالذبول ما فيش مبعث للسعاده انا طولت عليكم بس محتاجه افصفض مع حد وانا معجبه جدا بنشاط الصفحه والقائمين عليها جزاكم الله خيرا