أريد الزواج بالثانيه لانه اطفالي من الأولى ذوي الاحتياجات الخاصه

بس مشكلتي ما الها حل تزوجت زواج تقليدي مو عن حب بس المهم الحمد لله امرأة شريفة . صار عدنا طفل اكتشفنا فيما بعد انه معوق من ذوي الاحتياجات الخاصة وبعد مراجعات للاطباء كثيرة ماكو امل اهل الاختصاص يعرفون شنو قصدي وبدت ازمة الحياة .علاقتنا مو ذيج العلاقة الزوجية المتينه .المهم الله عوضنا بطفلة سليمه الحمد لله . بس احنا ماكتفينا خلفنا طفلة ثالثة واذا بيها مثل الطفل الاول.. لاحول ولا قوة إلا بالله العلي العظيم. وهم راجعنا اطباء اختصاص واحد منهم رجح بسبب الجينات الوراثية . فقررنا منخلف وحياتنا صعبت أكثر المشتكى لله وهم مومشكله الحمد لله منطينا الصحة نتحمل بس علاقتنا الزوجية اصابها الفتور وعدم الانسجام وطبعا اعذرها لزوجتي لأن اعباء الأولاد كافي عليها بس اني هم بنفسي خلفة زينة تساعدني وتشيل اسمي لان باجر عكبة محد ضامن نفسه هذوله منوا الهم بتي احتمال يجيها نصيب وتروح لبيت زوجها ولا اني اقدر اتزوج ثانية لضروف ماديه وعدم موافقة زوجتي لان قالت اذا تريد تتزوج طلقني واذا اطلقها ما كو واحد يداري هذوله المعاقين احسن منها وأيضاً ما اريد اخسر ثواب تربيتهم. شنو الحل ما أعرف؟