يهددني بنشر صوري أن لم أرضخ لطلباته

انا شب عمري ٢٦ خاطب وبحب خطيبتي اكتر من حالي بس للاسف من فترة لعب الشيطان بعقلي وحكيت مع وحدة وبعتت صوري ١٨+ انا بعرف غلطت بس انا ندمت وبتمنى يرجع الزمن لصلح غلطي انا بحبا لخطيبتي وما رح ارجع خونا لو حتى بنظرة بس المشكلة البنت يلي حكيت معا طلعت بتعرف واحد بيعرفني وبعتتلو كل المحادثات وصوري وكل شي هو صار يهددني يقول لخطيبتي انا قلتلو اعمل شو ما بدك بس لا تقلا شي واحذف يلي معك قلي موافق بشرط بدي ٢٥٠ دولار عاطيتو المبلغ وبعدا راح بس بعد فترة صار يدقلي وقلي بدي مصاري قلتلو انقلع صار يهددني بس انا ما خفت لان انا مسحت كلشي من جوالو ب ايدي هديك المرة، بس المشكلة انو طلع محتفظ فين بغير جوال وبعتلي ياهن وقلي يا بتدفع يا رح ابعت لخطيبتك ورجعت دفعتلو مبلغ اكبر من اول مرة وصار يقلي يا بتنفذلي كلشي يا بفضحك وانا عم انجبر سايرو ل لاقي حل بس الأمر ذاد عن حدو اذا بحكيلكن ما بتصدقوا عطا رقمي لاهلو وقلن هاد شوفير لوين ما بدكن بياخدكن وشو ما بدكن اغراض للبيت اتصلو فيه وهو بجبلكن واهلو صدقو انو عنجد انا هيك شغلتي وصارو روح روح تعا تعا وانا ما فيني احكي شي وهو كل الوقت عم يهينني ويتمسخر عليي وصلت معو لدرجة يقلي امسحلو بوطو وبعيط عليي وعشوي بيضربني وبعاملني متل كأنو ولد عم اشتغل عندو مع انو هو اصغر مني عمرو ٢٣ بس ما عم يطلع بايدي اعمل شي لك حتى صار ياخد اكتر من نص راتبي كل شهر انا عم بحكيلكن لان رح طق بدي احكي لحدا انا بعرف غلطت بس ما بستاهل كل هاد وانا حاولت اشتكي عليه كتير بس ما مشي الحال بدي حل قولولي شو اعمل بدي اخلص تعبت انا وما بدي اخسر خطيبتي انا عم فكر اقتلو واخلص منو بس برجع بقول غلط نصحوني